ނާސިފަށް ވޯޓު ދިނުމަށް ޑރ.ޝަހީމް އެދިވަޑައިގެންފި
ހެންވޭރު ހުޅަނގު ދާއިރާގެ މަޖިލިސް ގޮނޑިއަށް ވާދަކުރައްވާ އަހުމަދު ނާސިފް ދީދީ އަށް ވޯޓު ދެއްވުމަށް ކުރީގެ އިސްލާމިކް މިނިސްޓަރ ޑރ. ޝަހީމް އަލީ ސައީދު އެދިވަޑައިގެންފިއެވެ.
ޑރ. ޝަހީމް މިއަދު ފޭސްބުކްގައި ކުރެއްވި ޕޯސްޓެއްގައި ވަނީ ހެންވޭރު ހުޅަނގު ދާއިރާގައި ތިއްބެވި އެމަނިކުފާނުގެ ހުރިހާ ރަހްމަތްތެރިން ވެސް ނާސިފަށް ވޯޓު ދިނުމަށް އެދިވަޑައިގެންފައެވެ.
ނާސިފަށް ތާއީދު ކުރައްވާކަން ހާމަކުރައްވައި ޑރ. ޝަހީމް ކުރެއްވި ޕޯސްޓްގައި ޑރ. ޝަހީމް ވިދާޅުވެފައި ވަނީ ނާސިފް އަކީ އަޚްލާޤް ވަރަށް ރަނގަޅު ބޭފުޅެއް ކަމަށެވެ.
ނާސިފް ވަނީ ނިމިދިޔަ ސަރުކާރުގައި ރައީސް ޔާމީންގެ ސިޔާސަތުތައް ތަންފީޒުކުރެއްވުމުގައި ބޮޑުދައުރެއް އަދާކުރައްވާފައެވެ. އެގޮތުން އެބޭފުޅާ އެޗްޑީސީ އަދި ތިލަފުށީ ކޯޕަރޭޝަންގައި ހުންނަވާ ވަނީ ތަރައްގީގެ މަޝްރޫއުތައް ހިންގުމުގައި އެހީތެރިވެދެއްވި ކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
