ސްޓިކަރ ޖަހަނީ ޕާކްކުރާނެ ތަން ދެއްކުމަށްފަހު: މިނިސްޓަރ ނަހުލާ
މާލޭގައި ގަވާއިދާއި ޚިލާފަށް ޕާކްކުރާ ވެހިކަލްތަކުގައި ސްޓިކަރ ޖަހަންފެށީ ޕާކްކުރާނެ ޖާގަ ދެއްކުމަށް ފަހުގައި ކަމަށް ޓްރާންސްޕޯޓް މިނިސްޓަރ އައިޝަތު ނަހުލާ ވިދާޅުވެއްޖެއެވެ.
މިއަދު އޮތް ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން އެކަމަނާ ވިދާޅުވީ ސްޓިކަރ ޖަހަނީ ޕާކުކުރާނެ ތަންތަން ދެއްކުމަށް ފަހުގައި ކަމަށާއި އަދި މިހާރު ފުލުހުން ސްޓިކަރ ޖަހަނީވެސް އުޅަނދު ބަހައްޓާފައި ހުންނަ ގޮތުގެ ފޮޓޯ ނެގުމަށްފަހުގައި ކަމަށެވެ.
އެގޮތުން ސްޓިކަރ ޖަހަނީ ކަފިހި ހުރަސްފަދަ ތަންތަނުގައާއި، މީހުންނަށް ހިންގަން ދަތިވާގޮތަށް ބަހައްޓާފައި ހުންނަ އުޅަނދުތަކުގައި އެކަނި ކަމަށްމިނިސްޓަރ ވިދާޅުވިއެވެ.
ޤަވާއިދާ ޚިލާފަށް ޕާކުކުރާ އުޅަނދުތައް ފުރަތަމަ ފަހަރު ޖޫރިމަނާ ކުރަނީ 250 ރުފިޔާއިންނެވެ. ދެވަނަ ފަހަރު އެ އަދަދު 500 ރުފިޔާއަށް އިތުރުވާއިރު އޭގެ ފަހުން ސްޓިކާ ޖަހާ ކޮންމެ ފަހަރަކަށް 750 ރުފިޔާ ނަގައެވެ.
ފުލުހުން ކޮންމެ ހަފްތާއަކު ނެރޭ ތަފާސްހިސާބުތަކުން ދައްކާގޮތުގައި ގަވާއިދާާއި ޚިލާފަށް ޕާކްކުރާ އުޅަނދުތަކުން ގިނައަދަދެއްގެ އާމްދަނީ ދައުލަަތަށް ލިބެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
