އިމްތިހާނު ދުވަސްވަރާ ދިމާވާތީ ޕީއެންސީގެ ކޮންގްރެސްގެ ތާރީހު އަވަސްކޮށްފި
ލިޔުންތެރިޔާ
އަހުމަދު ހަމީދު އާދަމް
ސަރުކާރު ހިންގާ ޕީއެންސީގެ ކޮންގްރެސް ބާއްވަން ކަނޑައެޅި ތާރީހު އަވަސް ކުރަން ފާސްކޮށްފި އެވެ.
އެ ނިންމުން ނިންމީ ރޭ އޮތް މެންބަރުންގެ މަޖިލީހުގެ ބައްދަލްވުމުގަ އެވެ. ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވެސް ބައިވެރިވެވަޑައިގެންނެވި އެ ބައްދަލްވުމުގައި ޕީއެންސީގެ ކޮންގްރެސް ބާއްވަން ކަނޑައެޅި ތާރީހަށް ބަދަލު ގެންނަން ނިންމީ ކުރީން ކަނޑައަޅާފައިވާ ތާރީހާއި ޖީސީއީ އޯލެވެލް އިމްތިހާނު ބާއްވާ ދުވަސްވަރާއި ދިމާވާތީ އެވެ.
އެހެން ކަމުން ކޮންގްރެސްގެ ތާރީހު އަވަސް ކުުރުމަށް އެދިވަޑައިގެންނެވީ ވެސް ރައީސް މުޢިއްޒު އެވެ. ރައީސްގެ އެދިވަޑައިގަތުން ފާސްކުރީ މެންބަރުންގެ އިއްތިފާގުންނެވެ. އެހެން ކަމުން ކުރީން ކަނޑައަޅާފައިވާ ތާރީހު ކަމަށްވާ އޮކްޓޫބަރު މަހުގެ ކުރީން ކޮންގްރެސް ބާއްވާނެ އެވެ.
ރައީސް ކުރީން ވިދާޅުވި ގޮތުގައި ޕީއެންސީގެ ކޮންގްރެސް ވާނީ ޕާޓީއަކުން ބާއްވާ އެންމެ ތާރީހީ އަދި އެންމެ ހާއްސަ ކޮންގްރެސްއަށެވެ. 75,000 ވުރެ ގިނަ މެންބަރުން ހިމެނޭ ޕީއެންސީގެ ކޮންގްރެސްއަށް ހުރިހާ މެންބަރުން ވެސް ތައްޔާރުވުމަށް ރައީސް ވަނީ ގޮވާލައްވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
