ހިޔާ ފްލެޓް: މިއީ ރާއްޖެ އަށް ސުއިޓަބްލް މޮޑެލްއެއް ނޫން: އެޗްޑީސީ އެމްޑީ
ހިޔާ މަޝްޢޫގައި ދިނުމަށް ހަމަޖެހިފައިވާ ފްލެޓްތަކަކީ ރާއްޖެއަށް އެކަށޭނެ މޮޑެލްއެއް ނޫންކަމަށް ހައުސިންގ ޑިވެލޮޕްމަންޓްގެ މެނޭޖިންގ ޑިރެކްޓަރ ސުހައިލް އަހްމަދު ވިދާޅުވެއްޖެއެވެ.
ރާއްޖޭގެ ދުވަހު ނޫހަކަށް ދެއްވި އިންޓަވިއުއެއްގައި ސުހައިލް ވިދާޅުވިގޮތުގައިކުރީގެ ސަރުކާރުން ހުޅުމާލޭގައި 7000 ހައުސިން ޔުނިޓް އެޅުމުގެ މަސައްކަތް ފަށާފައިވީ ނަމަވެސް ދެ ކޮޓަރިއާއި އެއްކޮޓަރީގެ އެޕާޓްމަންޓްތަކަކީ އެންމެ އެކަށީގެންވާ ގޮތުގައި އާއިލާއަކަސް އުޅެވޭނެ ޕްލެޓްތަކަށް ނުވާނެކަމަށް ޤަބޫލުކުރެވޭތީ، މިހާތަނަށް މަސައްކަތް ނުފަށައި ހުރި ފްލެޓް އިމާރާތްތަކުގައި 3 ކޮޓަރީގެ އެޕާރޓްމަންޓްތައް ހެދުމަށް ހައުސިން މިނިސްޓްރީއާއި އެޗްޑީސީން މަޝްވަރާކޮށްފައިވާކަމަށެވެ.
"މިއީ ރާއްޖެ އަށް ސުއިޓަބްލް މޮޑެލްއެއް ނޫން. އިމަޖެންސީ ހާލަތެއްގައި ކަރަންޓު ބޭނުން ކުރެވޭނެ ގޮތެއް ނެތް. އޮފީހަށް، ސްކޫލަށް ދާނީ އެއް ގަޑީގައި. އެ ގަޑީގައި ވެސް ތިން ލިފްޓޭ ބޭނުންކުރަން ހަމަޖައްސާފައި އޮތީ." އޭނާ ވިދާޅުވިއެވެ.
މީގެ އިތުރުން ރާއްޖޭގެ އާއިލާތައް ދިރިއުޅުމަށް ބިނާކޮށްފައިވަނީ ޝެއާ ކޮށްގެން އުޅުމަށްކަމަށް އޭނާ ވިދާޅުވިއެވެ.
"އަޅުގަނޑުމެންގެ ފެމިލީތައް ދިރިއުޅެން ބިނާ ކޮށްފައި ވަނީ ޝެއާ ކޮށްގެން އުޅުމަށް. ޓިޕިކަލް ފެމިލީއެއްގައި ވެސް ދެމަފިރިންނާއި ދެ ކުދިން ތިބޭނެ. ރަށްރަށުން ދޭތެރެދޭތެރެއިން އައިސް ބައްޕަ ނޫނީ މަންމަ އަބަދުވެސް އުޅޭނެ. އެހެންވީމާ ތިން ކޮޓަރި ނެތިއްޔާ އާންމުކޮށް އެއީ ކުޑަ މިންވަރެއް،" ޝުހައިލް ވިދާޅުވިއެވެ.
މި ގެންނަ ބަދަލާއެކު 7000 ފްލެޓް ލިބޭ ފަރާތްތަކުގެ އަދަދު މަދުވެގެން ދާނެކަމަށް އޭނާ ވިދާޅުވިއެވެ.
މި ކަމުގައި މިހާތަނަށް ވެސް ސަރުކާރުން ރައްޔިތުންގެ ހިޔާލު ހޯދުމަށް ނިންމާފައި ނުވާކަމަށްވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
