ކުޑަކުދީންތަކަކާއެކު މަސްތުވެގެން ތިބި ބަޔަކު ހައްޔަރުކުރި އޮޕަރޭޝަން: އާންމުވެފައިވާ ވީޑިއޯ ނެގީ ފުލުހުންނެއް ނޫން
ލިޔުންތެރިޔާ
އަހުމަދު ހަމީދު އާދަމް
ސޯޝަލް މީޑިއާގައި މިހާރު ދައުރުވަަމުންދާ ފުލުހުން, ކުށުގެ ވެއްޓެއްގައި ހަރަކާތްތެރިވަމުންދާ މަންޒަރު ފެންނަ ވީޑިއޯއަކީ އެ ކުށުގެ ވެށީގައި ހަރަކާތްތެރިވި ފުލުހަކު ރެކޯޑްކޮށްފައިވާ ވީޑިއޯއެއް ނޫން ކަމަށް ފުލުހުން ބުނެފި އެވެ.
ފުލުހުން މިހެން ބުނީ ކުޑަކުދީންތަކެއްގެ “ނާޖައިޒު” މަންފާ ނެގުމުގެ ތުހުމަތަށް ބަޔަކު ހައްޔަރު ކުރި މައްސަލައާ ގުޅުންހުރި ވީޑިއޯއެއް އާންމުވެފައިވާތީ އެވެ. ވީޑިއޯގައި ފުލުހުން ހަރަކާތްތެރިވަމުންދާތަން ފެނެ އެވެ.
އަދި ކުށުގެ ވެށީގައި އެވަގުތު ތިބި މީހުންނާއި ސުވާލު ކުރެ އެވެ. އުމުރުން 18 އަހަރުނުވާ ދެ ފިރިހެން ކުދީން އޭރު އެތަނުގައި ތިބިއިރު އެ ދެ ކުދީންގެ ނަން އޮޅުންފިލުވާ މަންޒަރު އާންމުވެފައިވާ ވީޑިއޯއިން ފެނެ އެވެ. އަދި އެ މައްސަލައިގެ ތުހުމަތުގައި ހައްޔަރުކުރި ބޮޑު ހަތަރު މީހުން މަޑުކޮށްލައިގެން ތިއްބާ ފެނެ އެވެ.
އޭރު އެ ތަނުގައި 17 އަހަރުގެ ދެ އަންހެން ކުދީން ވެސް ތިބި ކަމަށް ފުލުހުން ބުންޏެވެ.
ފުލުހުން ބުނީ މި ވީޑިއޯއަކީ އެ ކުށުގެ ވެށީގައި ހަރަކާތްތެރިވި ފުލުހަކު ރެކޯޑްކޮށްފައިވާ ވީޑިއޯއެއް ނޫން ކަމަށެވެ.
މި މައްސަލާގައި ހައްޔަރުކުރި މީހުންގެ ވަނަވަރު ވެސް ވަނީ އާންމުކޮށްފަ އެވެ. ފުލުހުން ބުނީ އެ މީހުން ހައްޔަރު ކޮށްފައިވަނީ މާލޭގެ ހެންވޭރުގައި ހުރި ގެއެއް ބަލާ ފާސްކުރުމަަށް ފަހު ކަމަށެވެ. އެ ތަނުން މަސްތުވާތަކެތި ކަމަށް ބެލެވޭ އެއްޗެހި ފެނުނު ކަމަށާ އެ މީހުން މަސްތުވާތަކެއްޗަށް ޕޮޒިޓިވްވެެސް ވި ކަމަށެވެ.
މި މައްސަލާގައި އަނިޔާ ލިބުނީ 17 އަހަރުގެ ދެ އަންހެން ކުދީންނާއި 17 އަހަރުގެ ފިިރިހެން ކުއްޖަކާއި 16 އަހަރުގެ ފިރިހެން ކުއްޖަކަށް ކަމަށް ވެސް ފުލުހުން ބުންޏެވެ.
މި މައްސަލައިގެ ތުހުމަތަށް ހައްޔަރުކޮށްފައި ވަނީ ވ. ރަކީދޫ, ސިލްވަސްޓާ ނާފިއު ރަޝީދު އާއި މ. އެތުމާ، އަލީ އަޝްރަފް އާއި ހ. ފިނިކުރި، އިބްރާހިމް ޝިނާން އަހްމަދުގެ އިތުރުން ގދ. ވާދޫ، ޕެރިސް، ލުހާން ސައީދު އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
