އަންހެން ކައުންސިލަރުންގެ ކުއޯޓާގެ މައްސަލައިގައި މޫސާ އަންވަރު ކޯޓަށް!
އަންނަ އަހަރު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިޚާބުގައި ވާދަކުރުމަށް އަންހެން ކައުންސިލަރުންނަށް ކުއޯޓާއެއް ކަނޑައެޅި މައްސަލަ ސުޕްރީމް ކޯޓަށް ވެއްދުމަށް މަޝްހޫރު ސޯޝަލް މީޑިޔާ އެކްޓިވިސްޓް މޫސާ އަންވަރު ނިންމައިފިއެވެ.
މިކަން އޭނާ ވަނީ ޓްވިޓަރ މެދުވެރިކޮށް ހާމަކޮށްފައެވެ.
މޫސާ އަންވަރު ބުނީ އޭނާ ނިސްބަތްވާ އައްޑޫ ސިޓީގެ ހިތަދޫ ބޭރުމަތި ދާއިރާއިން ސިޓީ ކައުންސިލް އިންތިޚާބަށް ފިރިހެނުން ވާދަނުކުރެވޭނެކަމަށް ބުނެފައިވާކަމަށާއި، އެއީ އުފެދުމުގައިވެސް ބާތިލް ގާނޫނެއްގެ މައްޗަށް އީސީން ނިންމި ނިންމުމެއް ކަމަށެވެ.
އެހެންކަމުން އެ ނިންމުމާއި ގާނޫނު ބާތިލްކޮށްދިނުމަށް އެދި ސުޕްރީމް ކޯޓަށް ހުށައަޅަން ނިންމާފައިވާކަމަށް އޭނާ ވަނީ ބުނެފައެވެ.
މޫސާ އިތުރަށް ބުނީ މިހާރުވެސް އެ ދާއިރާގައި ހުރި އަންހެން ކައުންސިލަރ ހޮވިފައިވަނީ ފިިރިހެން ކައުންސިލަރުންނާއި ވާދަކޮށްގެން ކަމަށެވެ. އަދި އެންމެ މުހިންމު އަސާސީ ހައްގެއް ކަމަށްވާ މިނިވަންކަމާއި އެކު މަންދޫބުން އިހުތިޔާރު ކުރުމާއި އިންތިޚާބުގައި ވާދަކުރުމުގެ ހައްގު މުތުލަގުކޮށް ގުުރުއަތަކުން ފޭރި ގަތުމަކީ ޣައިރުގާނޫނީ ޖޯކެއް ކަމަށެވެ.
އީސީން ވަނީ މާލެ، އައްޑޫ އަދި ފުވައްމުލަކު ސިޓީގެ ދާއިރާތަކުގެ ތެރެއިން އަންހެނުންނަށް ހާއްސަކޮށްފައިވާ ދާއިރާތަކުގެ ގޮނޑިތައް ގުރުއަތުން ނަގައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
