ިއިންތިޚާބު ލަސްކުރަން އުޅެނީ ވޯޓު އޮޅުވާލަން: އަފްޝަން
އަންނަ ރައްޔިތުންގެ މަޖިލީހުގެ އިންތިޚާބު ފަސްކުރަން އިދިކޮޅު ޕްރޮގްރެސިވް ކޯލިޝަނުން އެދުނީ ވޯޓު އޮޅުވާލުމަށްކަމަށް އެމްޑީޕީން ތުހުމަތުކޮށްފިއެވެ.
އެޕާޓީން މިހެން ބުނެފައިވަނީ މަޖިލިސް އިންތިޚާބާއި ގުޅިގެން އެޕާޓީން ބާއްވާ ސިލްސިލާ ނޫސްވެރިންގެ ބައްދަލުވުމުގެ ތެރެއިން މިއަދު އޮތް ބައްދަލުވުމުގައެވެ.
މި ބައްދަލުވުމުގައި ވާހަކަފުޅު ދައްކަވަމުން އެމްޑީޕީގެ މަޖިލިސް ކެމްޕެއިންގެ ސްޕޯކްސްޕާސަން އަދި ޕާޓީގެ ޑެޕިއުޓީ ސެކްރެޓަރީ ޖެނެރަލް އަފްޝަން ލަތީފް ވިދާޅުވީ މީގެ ކުރިންވެސް ޕީޕީއެމްއިން އިންތިޚާބު ފަސްކުރުމަށް އެކި އުޒުރުތައް ދައްކާފައިވާކަމަށެވެ.
އަފްޝަން ވިދާޅުވީ އިންތިހާބު ލަސް ކުރައްވަން އެބޭފުޅުވެގެން އެ އުޅުވަނީ ތަފާތު ގަޑުބަޑުތައް ހިންގާ ވޯޓް އޮޅުވާލަންކަމަށާއި އެމްޑީޕީން އެދޭ އެދުމަކީ ހަމަޖެހިފައިވާ ތާރީހާއި އެއްގޮތަށް މި އިންތިހާބު ބޭއްވުންކަމަށެވެ.
އިދިކޮޅު ކޯލިޝަނުން އިއްޔެވަނީ މިނިވަން އަދި އިންސާފުވެރި އިންތިޚާބެއް ބާއްވަން އެކަށޭނެ މާހައުލެއް ނެތްކަމަށްބުނެ އިންތިޚާބު ފަސްކޮށްދިނުމަށް އެދި ރައްޔިތުންގެ މަޖިލީހަށާއި އީސީއަށް ސިޓީއެއް ފޮނުވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
