އެމެރިކާގެ މެޖޯރިޓީ މީހުން ފަލަސްތީނު ދައުލަތެއްގެ ގޮތުގައި ބަލައިގަންނަން ބޭނުންވޭ
ލިޔުންތެރިޔާ
އަބްދުﷲ ހުސައިން
އެމެރިކާގެ މެޖޯރިޓީ މީހުން ފަލަސްތީނު ދައުލަތެއްގެ ގޮތުގައި ބަލައިގަތުމަށް ބޭނުންވާކަމަށް ރޮއިޓާސްއިން ނެގި ހިޔާލު ހޯދުމުގެ ޕޯލަކުން ދައްކައިފިއެވެ.
ރޮއިޓާސްއިން 6 ދުވަހުގެ މުއްދަތަށް ކުރިއަ މި ޕޯލްގެ ނަތީޖާއަށް ބަލާއިރު، ޕޯލްގައި ބައިވެރިވި 59 އިންސައްތަ މީހުން ބޭނުންވަނީ ފަލަސްތީނަށް މިނިވަން ދައުލަތެއްގެ މަގާމު ދޭށެވެ. މި ވޯޓުގައި ބައިވެރިވި 33 އިންސައްތަ މީހުން އެކަމަށް ދެކޮޅު ހެދިއިރު، ބާކީ މީހުން އެއްވެސް ކޮޅަކަށް ޖެހިފައެއް ނުވެއެވެ.
އެމެރިކާގެ ރައީސް ޑޮނާލްޑް ޓްރަމްޕް ނިސްބަތްވާ ރިޕަބްލިކަން ޕާޓީގެ 53 އިންސައްތަ ފަލަސްތީނަށް މިނިވަން ދައުލަތެއްގެ މަގާމުދޭން ދެކޮޅުހަދާއިރު، 41 އިންސައްތަ މީހުން އެދެނީ ފަލަސްތީނަށް ފުރިހަމަ މިނިވަންކަން ދޭށެވެ.
މިދިޔަ ދުވަސްތަކުގައި އެމެރިކާ އާ އެންމެ ގާތް ޤައުމުތައްކަމަށްވާ، ފްރާންސް، އިނގިރޭސިވިލާތް، ކެނެޑާ އަދި އޮސްޓްރޭލިއާފަދަ ޤައުމުތަކުން ވަނީ ފަލަސްތީނު މިނިވަން ދައުލަތެއްގެ ގޮތުގައި އޮތުމަށް ރުހޭކަމަށް ރަސްމީކޮށް ހާމަކޮށްފައެވެ. މިކަމާހެދި އިސްރާއީލުން ރުޅިގަނޑު ފަޅައިގެން ގޮސްފައިވާއިރު، ނަތަންޔާހޫގެ ސަރުކާރުން ވަނީ އެއީ ޒިއްމާދާރުކަން ކުޑަ ނިންމުމެއްކަމަށް ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
