ހުޅުމާލޭގެ މިސްކިތްތައް ކައިރީ ގިނަ ދުވަސް ވަންދެން ޕާކްކޮށްފައިވާ އުޅަނދުތައް ނަގަން އަންގައިފި
ލިޔުންތެރިޔާ
ޚަދީޖާ އަރުފާ
ހުޅުމާލޭގެ އެކި މިސްކިތްތައް ހިމެނޭ ސަރަޙައްދުތަކުގައި ގިނަ ދުވަސްތަކެއް ވަންދެން ޕާކްކޮށްފައި ހުރި އުޅަނދުތައް ނެގުމަށް ފުލުހުން އެދިއްޖެއެވެ.
ފުލުހުން އެކްސްގައި ކުރި ޕޯސްޓެއްގައި ބުނެފައިވަނީ، މިސްކިތްތައް ކައިރީގައި ހުރި އުޅަނދުތައް ނެގުމަށް އަންގާފައިވަނީ ނަމާދަށް އަންނަ ފަރާތްތަކަށް އެ ސަރަޙައްދަކީ ފަސޭހަ ސަރަޙައްދަކަށް ހެދުމުގެ މަގުސަދުގައި ކަމަށެވެ.
އަދި އޭގެ ސަބަބުން މިސްކިތަށް އަންނަ މީހުންނަށް ދަތިކަމެއް ނެތި، ފަސޭހަކަމާއެކު އުޅަނދުތައް ޕާކްކުރެވޭނެ އިންތިޒާމް ހަމަޖެހިގެންދާނެ ކަމަށްވެސް ފުލުހުން ފާހަގަކުރިއެވެ.
މީގެ އިތުރުން، ހުޅުމާލޭގެ މަގުތަކަކީ ހިނގާބިނގާވެ އުޅޭ މީހުންނަށާއި ދުއްވާ އެއްޗެއްސަށް އަމާން އަދި ތަރުތީބު ތަނަކަށް ހެދުމަށްޓަކައި ފުލުހުން މިހާރުވެސް އަންނަނީ މަގުމަތީގައި ގިނަ ދުވަސްވަންދެން ޕާކްކޮށްފައި ހުރި އުޅަނދުތަކުގެ އިތުރުން، ބާވެ ހަލާކުވެފައިވާ އުޅަނދުތައް ނެގުމުގެ މަސައްކަތް ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
