2030 ކޮމަންވެލްތު ގޭމްސް އިންޑިއާގައި
ލިޔުންތެރިޔާ
ސްޓާފް ރައިޓަރ
2030 ވަނަ އަހަރުގެ ކޮމަންވެލްތު ގޭމްސް އިންޑިއާގެ އަހްމަދުއާބާދުގައި ބާއްވާނެކަން އިއުލާންކޮށްފިއެވެ.
މި މުބާރާތް ބާއްވަން 5 ގައުމަކުން ޝައުގުވެރިކަން ފާޅުކުރިއެވެ. 2030 ވަނަ އަހަރުގެ މުބާރާތުގައި 15 ނުވަތަ 17 ކުޅިވަރެއް ކުޅޭނެއެވެ. މުބާރާތުގެ ކުޅިވަރުތަކުގެ ފައިނަލް ލިސްޓް އަންނަ އަހަރު އިންޑިއާއިން އާއްމުކުރާނެއެވެ. އިންޑިއާގެ ކޮމަންވެލްތު ގޭމްސް އެސޯސިއޭޝަނުން ބުނީ އަހްމަދުއާބާދުގައި ބާއްވާ މުބާރާތަކީ ކޮމަންވެލްތު ގޭމްސްގެ ސައްތަ އަހަރު ފާހަގަކުރާ މުބާރާތް ނޫންކަމަށާއި، އެމުބާރާތް ވެގެންދާނީ ކުރިއަށް އޮތް 100 އަހަރުގެ ކޮމަންވެލްތު ގޭމްސްގެ ފައުންޑޭޝަން ކަމަށެވެ.
އިންޑިއާއިން ފުރަތަމަ ފަހަރަށް ކޮމަންވެލްތު ގޭމްސް ހޮސްޓްކޮށްފައިވަނީ 2010 ވަނަ އަހަރު ދިއްލީގައެވެ. އެފަހަރުގެ އިންތިޒާމުތަކުގެ ދޯދިޔާ ވާހަކަ އެތުލީޓުންނާއި ގައުމުތަކުން ދެއްކިނަމަވެސް، އަހްމަދުއާބާދުގައި ބާއްވާ މުބާރާތް ވެގެންދާނީ 2010 އިން އިބުރަތް ހާސިލްކޮށްގެން ބާއްވާ ފުރިހަމަ މުބާރާތަކަށް ކަމަށް ކޮމަންވެލްތު ގޭމްސްއިން ބުންޏެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
