އެމްޓީޑީއިން އީސީއަށް އިތުބާރު ކުރަން: ޔާމީން
މޯލްޑިވްސް ތާރޑްވޭ ޑިމޮކްރަޓިކް އިން އިލެކްޝަންސް ކޮމިޝަނަށް އިތުބާރު ކުރާކަމަށް އެޕާޓީގެ ނައިބު ޔާމީން ރަޝީދު ވިދާޅުވެއްޖެއެވެ.
ވޮއިސް އިން ކުރި ސުވާލަކަށް ޖަވާބުދެއްވަމުން ރައްޔިތުންގެ މަޖިލީހުގެ ވެލިދޫދާއިރާގެ މެންބަރުކަންވެސް ކުރައްވަމުން ގެންދަވާ ޔާމީން ރަޝީދު ވިދާޅުވީ، ކުރިއަށް އޮތް ރިޔާސީ އިންތިޚާބަށް އިލެކްޝަންސް ކޮމިޝަނުން ތައްޔާރުވަމުން އަންނަ އިރު އެކޮމިޝަނަށް އެމްޓީޑީސީން ފުރިހަމަޔަށް އިތުބާރު ކުރާކަމަށެވެ. ޔާމީން ވިދާޅުވީ އިލެކްޝަންސް ކޮމިޝަންގައި ތިއްބެވި މެންބަރުންނަކީ ވަރަށް މުސްތަގިއްލު ނަޒާހަތްތެރި މެންބަރުން ތަކެއްކަމަށާއި، އެމެންބަރުންނާއި މެދު އެއްވެސް ވަރަކަށް ޝައްކުނުކުރައްވާކަމަށެވެ.
އިލެކްޝަންސް ކޮމިޝަނަށް އިތުބާރު އޮތްކަމަށް އެމްޓީސީން ބުނެފައިވާއިރު، ޕީޕީއެމްއާއި ޕީއެންސީއިން އަންނަނީ އިލެކްޝަންސް ކޮމިޝަނުގެ މެމްބަރުންނަށް ވަރަށް ބޮޑަށް ފާޑުވިދާޅުވަމުންނެވެ. އެފަރާތްތަކުން ބުނަމުންދަނީ އިލެކްޝަންސް ކޮމިޝަނުން އެ ޕާޓީތަކާއި މެދު އަމަލުކުރަމުން ދަނީ ޒާތީވެގެންކަމަށެވެ. ނަމަވެސް ބައެއް މީޑިއާ ތަކަށް މައުލޫމާތު ދެއްވަމުން އީސީން ބުނެފައިވަނީ އިލެކްޝަންސް ކޮމިޝަނުން އެއްވެސް ބައެއްގެ ހައްގަކަށް އަރައި ނުގަންނާނެ ކަމަށާއި، އޭގެ ބަދަލުގައި އެ ކޮމިޝަނަކީ ހައްގުތައް ކަށަވަރުކޮށްދޭ ކޮމިޝަނެއް ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
