އަންނަ އަހަރުގެ ބަޖެޓް 40 ބިލިޔަނަށް އަރާ!
އަންނަ އަހަރަށް ލަފާކުރެވޭ ދައުލަތުގެ ބަޖެޓަކީ 39.6 ބިލިޔަން ރުފިޔާކަމަށް ފިނޭންސް މިނިސްޓްރީން ހާމަކޮށްފިއެވެ.
އެ މިނިސްޓްރީން މިކަން ހާމަކޮށްފައިވަނީ 2020ވަނަ އަހަރުން 2022ވަނަ އަހަރަށް އެ މިނިސްޓްރީގެ ފިސްކަލް ސްޓްރެޓަޖީ އަންގައިދޭ ބަޔާނުގައެވެ.
ފިނޭންސުން ބުނީ އަންނަ އަހަރުގެ ޖުމްލަ ބަޖެޓަކީ 39.6ބިލިޔަން ރުފިޔާާއެވެ. އަންނަ އަހަރު ދައުލަތުގެ ޚަރަދުކަމަށް ލަފާކުރެވިފައިވާ އަދަދަކީ 37ބިލިޔަން ރުފިޔާއެވެ. މީގެ ތެރެއިން ރިކަރަންޓު ޚަރަދުގެ ގޮތުގައި 20 ބިލިޔަން ރުފިޔާ ޚަރަދުވާާނެކަމަށް ވަނީ ލަފާާކޮށްފައެވެ. އަދި ކެޕިޓަލް ހަރަދުގެ ގޮތުގައި 11.7 ބިލިއަން ރުފިޔާ ހަރަދުވާނެކަމަށް ފިނޭންސް މިނިސްޓްރީގެ ބަޔާނުގައިވެއެވެ.
އެ ބަޔާނުގައި ބުނެފައިވާ ގޮތުގައި އަންނަ އަހަރު ދައުލަތުގެ އާމްދަނީ އިތުރުކުރުމަށް ހުށައެޅޭ ކަންތައްތަކުގެެ ތެރެއިން އެންމެ ބޮޑަށް ފާހަގަކޮށްލެެވެނީ އަމިއްލަ ފަރުދުންގެ އާމްދަނީން ޓެކްސް ނެގުމެވެ. އިންކަމް ޓެކްސް ނެގުން އަންނަ އަހަރުގެ ފުރަތަމަ ދުވަހު ފެށޭނެކަމަށް ލަފާކޮށްފައިވާއިރު، މީގެން ދައުލަތަށް އިތުރު 368 މިލިޔަން ރުފިޔާާގެ އާމްދަނީއެއް ލިބޭނެކަމަށް ވަނީ އަންދާޒާކޮށްފައެވެ.
މި ބަޖެޓްއަކީ ޖީޑީޕީ ނިސްބަތުން 6.5 އިންސައްތައިގެ ޑެފިސިޓް ބަޖެޓެއްކަމަށް ފިނޭންސުން މައުލޫމާތުދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
