އުރީދޫ ނޭޝަން ގޭމާސް ލޭންޑް ފެސްޓިވަލް ނިންމާލައިފި
ލިޔުންތެރިޔާ
ޚަދީޖާ އަރުފާ
އުރީދޫ ނޭޝަން ގޭމާސް ލޭންޑް: ދަ އަލްޓިމޭޓް ގޭމިން ފެސްޓިވަލް ކުލަގަދަ ހަފްލާއަކާއެކު ނިންމާލައިފިއެވެ.
މާލޭގެ އުސްފަސްގަންޑުގައި ބޭއްވި މި ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ސްޕޯޓްސް، ހެލްތް އެންޑް ރެކްރިއޭޝަން އަލްފާޟިލް ޢަބްދުالله ރާފިޢުއެވެ.
މި ފެސްޓިވަލް ފެށުނީ ވައިބްރަންޓް ކޮސްޕްލޭ ސެގްމެންޓަކުންނެވެ. މި ފެސްޓިވަލްގައި ހުނަރުވެރި ބައިވެރިން ވަނީ އައިކޮނިކް ގޭމިން އާއި އެނިމޭ ކެރެކްޓާތައް ދިރުވައި އެ މީހުންގެ އުފެއްދުންތެރިކަން ވަނީ ދައްކާލާފަ އެވެ.
އަދި ރަސްމިއްޔާތުގައި އެންމެ މޮޅު ކޮސްޕްލޭޔަރުން ފާހަގަކޮށް އެވޯޑް ދީފައިވާއިރު، ރޭގެ އެންމެ ޝަރަފުވެރި އެވޯޑު ކަމަށްވާ އަލްޓިމޭޓް ޕްލޭޔަރ އިއުލާނުކޮށް، އަހަރުގެ އެންމެ މޮޅު ކުޅުންތެރިންގެ އަގު ވަޒަންކުރެވިގެންދިޔައެވެ. އެގޮތުން، ވަރުގަދަ ވާދަވެރިކަމަކަށްފަހު ހައިޝަމް ވަޙީދު ވަނީ "އަލްޓިމޭޓް ޕްލޭޔަރ"ގެ ޝަރަފުވެރި ލަގަބާއި ތަށި ހޯދާފައެވެ.
މުބާރާތް ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ރާފިއު ވަނީރާއްޖޭގައި އީސްޕޯޓްސް އާއި ގޭމިން ސަގާފަތް ކުރިއެރުވުމުގައި އުރީދޫ ނޭޝަން އިން އަދާކުރަމުން އަންނަ ދައުރަށް ތައުރީފް ކުރައްވާފައެވެ.
"ގޭމިން އާއި އީސްޕޯޓްސް އަކީ ދުނިޔޭގެ މުނިފޫހިފިލުވުމާއި ޑިޖިޓަލް އިނޮވޭޝަންގެ ބޮޑު ބަޔަކަށް ވެއްޖެ. ގެމަރސް ލޭންޑް ފަދަ އިވެންޓްތަކުން އަޅުގަނޑުމެންގެ ހުނަރުވެރި ގޭމަރުންނަށް ޕްލެޓްފޯމެއް ލިބުމުގެ އިތުރުން ރާއްޖޭގެ އިންޑަސްޓްރީ ކުރިއެރުވުމަށް ވެސް އެހީތެރިވެދެއެވެ." ވަޒީރު ވިދާޅުވިއެވެ.
އުރީދޫ ނޭޝަން ގޭމާސް ލޭންޑް، ވަނަ ވަނައަށް ފަރާތްތައް
ޕަބްޖީ މޮބައިލް
.- ޗެންޕިއަން -50،000ރ - އެސްޑީއެމްޒެޑް އީސްޕޯޓްސް
.- ދެވަނަ- 20،000ރ - އަކަޒަޔާ އީ ސްޕޯޓްސް
.- ތިންވަނަ- 15،000ރ - އެލްއެފް ސްކައިފޯސް
.- ހަތަރު ވަނަ- 10،000ރ - އެސްޑީއެމްޒެޑް އެންޖީ
.- 5000 ރ ފައިސާގެ އިނާމް - އެސްޑީއެމްޒެޑްހައިއްޓެ
މޮބައިލް ލެޖެންޑް: ބޭންގ ބޭންގ
ޗެންޕިއަން- 20،000ރ - އެލްއެންއެން ސްލީޕިންގ
ދެވަނަ- 15،000ރ - ވިގަނި
ތިންވަނަ - 10،000ރ - އެލްއެންއެން އެސްއެލްއެފްއޯ ޕައިލެޓްސް
5000ރ ގެ ފައިސާގެ އިނާމް، ރީޕާ މާލް
އީއޭއެފްސީ
ޗެންޕިއަން- 20،000ރ - ޒަމީލް ޒިހުނީ
ދެވަނަ- 15،000ރ - ޖަނާން މުޙައްމަދު
ތިންވަނަ - 10،000ރ - މުޙައްމަދު އައިމަން
ޓޮޕް ސްކޯރަރ - 5000ރ - ޒަމީލް ޒިހުނީ
ކޯސްޕްލޭ
އެއްވަނަ - 5000ރ - އައިޝަތު ޚުމައިޝާ ބިންތު ޔޫސުފް
ދެވަނަ - 3000ރ - މަރިޔަމް އަރީން ޝަހީދު
ތިން ވަނަ - 2000ރ - މުހައްމަދު އަމީރު އާމިރު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
