ގުރޭންޑް އޯޕަނިން ޕްރޮމޯޝަންއަކާ އެކު 'ހެޔޮ ފިހާރަ 3' ހުޅުވައިފި

ހެޔޮ އިންވެސްޓްމެންޓުން އެކުންފުނީގެ 'ހެޔޮ ފިހާރަ 3ވަނަ' ހުޅުވައި ހެޔޮ އަގުގައި މުދާ ލިބޭ ޕްރޮމޯޝަނެއް ފަށައިފިއެވެ.

ހެޔޮ ފިހާރަ 3 ހުޅުވާފައި ވަނީ މާރޗް 1 ވަނަ ދުވަހުއެވެ. ހެންވޭރު ނިރޮޅުމަގު ގައި ހުޅުވުނު މިފިހާރައިން ވެސް އެކުންފުނިން ވިއްކަމުންދާ ހުރިހާބާވަތެއްގެ މުދާ ލިބޭނެ ކަމަށް ހެޔޮ ފިހާރައިގެ ސޭލްސް އެންޑް މާރކެޓިން މެނޭޖަރ އައިޝަތު އާމާލް ވަނީ ވިދާޅުވެފައެވެ.

"މި ފިހާރައިން ލިބެންހުރި ބާވަތްތަކުގެ ތެރޭގައި ޗިކަން ތައި، ޗިކަން ވިންގްސް، ކޮށި ކުކުޅު، ސޮސެޖް، ނަގެޓްސް، ޗިކަން ޑްރަމްސްޓިކް، ބޯންލެސް ޗިކަން، ފްރެންޗް ފްރައިސް، ކުކުޅު ކުރަނޑި، ބީފް، މަޓަން، މިކްސްޑް ތަރުކާރީ، ކޮލިފްލާވަރ، ބްރޮކޮލީ، މޮޒަރެއްލާ ޗީޒް، ގްރީން ޕީސް، ސްވީޓް ކޯން ފަދަ ބާވަތްތައް ހިމެނޭ" އާމާލް ވިދާޅުވިއެވެ.

ހެޔޮ ފިހާރަ 3 ހުޅުވުމުގެ ގޮތުން ކުރިއަށް ގެންދާ ޕޮރޮމޯޝަން ކުރިޔަށް ދާނީ 7 މާރިޗް ބުރާސްފަތި ދުވަހުގެ ނިޔަލަށް ކަމަށް އާމާލް މައުލޫމާތު ދެއްވައެވެ.

މާލޭގައި ފިނިކުރި މުދާ ހޯލްސޭލު އަދި ރީޓެއިލް ކުރަމުންދާ ހެޔޮ ފިހާރައަކީ މިވަގުތު ބާޒާރުގައި އެންމެ ހެޔޮ އަގުގައި ކޮށި  ކުކުޅު ހޯލްސޭލު އަދި ރީޓެއިލްކޮން ލިބެން ހުންނަ ފިހާރަކަން އާމާލް ފާހަގަކުރައްވައެވެ.

އާމާލު އިތުރަށް ވިދާޅުވީ މި ދުވަސް ވަރަކީ ދުނިޔޭގެ ބާޒާރުގައި ފިނި ކުރި ތަކެތި ލިބުން ދަތި ދުވަސް ވަރަކަށް ވީ ނަމަވެސް ހެޔޮ ފިހާރަގެ އަމާޒަކީ ލިބެން ހުންނަ މުދާ މާލޭގެ ބާޒާރުގައި ވީ އެންމެ ހެޔޮ އަގުގައި ކަސްޓަމަރުންނަށް ފޯރުކޮއްދިނުން ކަމަށެވެ. އަދި ކަސްޓަމަރުން އޯޑާރ ކުރާ މުދަލަށް ފައިސާ ދެއްކުމުން އެމުދާ ކަސްޓަމަރ ބުނާތާކައް ޑެލިވަރީ ކޮށްނިމުމުން ވައިބާ މެދުވެރިކޮށް ޑެލިވަރީގެ ތަފްސީލު ވަގުތުން ލިބޭނެ ކަންވެސް އޭނާ ފާހަގަކުރެއްވިއެވެ.

އާމާލް ވިދާޅުވި ގޮތުގައި، އެ ކުންފުނިން ވިއްކާ ހުރިހާ ބާވަތެއްގެ ފިނިކުރި އެއްޗެހި ހެޔޮ އަގެއްގައި ކަސްޓަމަރުންނަށް ފޯރުކޮށްދިނުމަށް އަބަދު ވެސް މަސައްކަތް ކުރަމުންދެއެވެ. އަދި އަބަދުވެސް ހާއްސަ ސަމާލުކަމެއް ދީގެން ރީޓެއިލްކޮށް ކުކުޅު ގަންނަ ކަސްޓަމަރުންނަށް ހެޔޮ އަގެއްގައި، ފިނި ކުރި ސާމާނު ފޯރުކޮށްދިނުމަކީ އެ ފިހާރަގެ އަމާޒެއް ކަމަށެވެ.

ހެޔޮ ފިހާރަ އިން ހޯލްސޭލްކޮށް އަދި ރިޓެއިލްކޮށް މުދާ ލިބެން ހުރެއެވެ. އަދި ބޯޓު ފެރީ މެދުވެރިކޮށް ރާއްޖޭގެ ކޮންމެ ހިސާބަކަށްވެސް އެ ފިހާރައިން މުދާ ޑެލިވަރީކޮށްދެއެވެ. އޭގެ އިތުރުން މާލޭގެ ކެފޭ އަދި ރެސްޓޯރެންޓުތަކުންވެސް އޯޑަރުކޮށްލުމުން މުދާ ޑެލިވަރީކޮށްދެއެވެ.

ހެޔޮ ފިހާރައިން ލިބެން ހުންނަ ބާވަތްތައް އެ ފިހާރައިގެ ފޭސްބުކު ޕޭޖު HEYO INVESTMENT (Heyofihaara) މެދުވެރިކޮށް ބަލާލެވެން ހުރެއެވެ.

ބޭނުންވާ އެއްޗެއް ގަތުމަށް ފިހާރައަށް ގޮސް ގަނެވޭއިރު ހެޔޮ ފިހާރައިގެ ނަންބަރ 9639444 ނުވަތަ ހެޔޮ ފިހާރަ 2 ނަންބަރ 9305811 އަށް ގުޅައިގެން ނުވަތަ ވައިބަރ މެދުވެރިކޮށްވެސް އޯޑަރު ދެވެއެވެ.

3 އަހަރު ދުވަސްތެރޭގައި ހެޔޮ އިންވެސްޓްމެންޓްގެ 3 ވަނަ ފިހާރަ ހުޅުވާފައިވަނީ ކަސްޓަމަރުންގެ ފަރާތުން ލިބޭ އިތުބާރާއި އެއްބާރުލުމުން ކަން ފާހަގަކޮށް އެކުންފުނީގެ ކަސްޓަމަރުންނަށް އާމާލު ވަނީ ޚާއްސަ ޝުކުރެއް އަދާކޮށްފައެވެ.