ވެމްކޯގެ މުވައްޒަަފަކަށް ހަމަލާދިން މައްސަލައެއް ބަލަން ފަށައިފި
މޯލްޑިވްސް ވޭސްޓް މެނޭޖްމަންޓު ކޯޕަރޭޝަން (ވެމްކޯ)ގެ މުވައްޒަފަކަށް މީހަކު ހަމަލާދިން ފުލުހުން ބަލަންފަށައިފިއެވެ.
މީސް މީޑިއާގައި މިހާރު ދައުރުވަމުން ދާ ވީޑިއޯގައި ވެމްކޯ ޔުނީފޯމްގައި ހުރި މީހަކާއި މަގުމަތީ ހުރި އާންމު މީހަކާ ދެމެދު ޒުވާބެއް ހިނގައި އެސްލޯނު ހޮޅިއަކުން ތިންވަރަކަށް ފަހަރު ވެމްކޯގެ މުއައްޒަފަށް ހަމަލާދެ އެވެ. އޭގެ ބަދަލުގައި ވެމްކޯ މުވަޒަފު ވެސް އަނެއް މީހާއާއި ހަމަނުޖެހުން ހިންގަން މަސައްކަތް ކުރެއެވެ. އަދި އެ މައްސަލަ ފުލުހަށް ހުށަހަޅާނެކަމަށް އޭނާ ބުންޏެވެ.
ފުލުހުން މައުލޫމާތު ދިން ގޮތުގައި ސޯޝަލް މީޑިއާގައި ދައުރުވަމުންދާ، ވެމްކޯގެ މުވައްޒަފަކަށް ހަމަލާދީ މާރާމާރީ ހިންގާ ވީޑިއޯއެއް ފުލުހުންގެ ސަމާލުކަމަށް ވަނީ އައިސްފައިކަމަށާއި އެ މައްސަލަ މިހާރު އަންނަނީ ތަހުޤީގުކުރަމުންނެވެ.
ވެމްކޯގެ އޮފިޝަލް އުބެއިދް މީޑިއާއަށް މައުލޫމާތު ދެއްވަމުން ބުނެފައިވަނީ ވެމްކ މުވަޒަފަށް ހަމަލާދީފައިވަނީ އޭނާ ޑިއުޓީ ނިންމާފައި ގެއަށް ދިޔަ މަގުމަތީގައެވެ.
އެ މައްސަލާގައި މިހާތަނަށް މީހަކު ހައްޔަރުކޮށްފައެއް ނުވެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
