ފޮނި އެއްޗެހި މީރު މީހުން މިކަހަލަ ޕުޑިން ޓްރައި ކޮށްލަންވާނެ

ފޮނި ކާތަކެތި، ޚާއްސަކޮށް ޕުޑިން ފަދަ އެއްޗިއްސަކީ ވަރަށް ގިނަ ބަޔަކަށް ކަމުދާ އެއްޗެކެވެ. އަދި ޕުޑިންނަކީ އެކި މީހުން އެކި ގޮތްގޮތަށް ތައްޔާރު ކުރާ އެއްޗަކަށްވާއިރު، މިއަދު ”ވޮއިސް“ގެ ބަދިގެއިން މި ގެނެސްދެނީ މީރުކޮށް ބަޓާސްކޮޗަ ޕުޑިން ތައްޔާރު ކުރާނެ ގޮތެވެ.

ބޭނުންވާ ތަކެތި

2/3 ޖޯޑު ހަކުރު

60ގ އަންސޯޓެޑް ބަޓާ

400މލ ފުލްކްރީމް މިލްކް

1/3 ސައިސަމުސާ މުގުރި ކާފޫރުތޮޅި

4 ބިސް

ކުޑަ ލޮނުކޮޅެއް

1/2 ސައި ސަމުސާ ބަޓަސްކޮޗް އެސެންސް

ތައްޔާރުކުރާނެ ގޮތް

1) މަޑުގިނީގައި، ތަވައެއްގެ ތެރޭގައި ހަކުރުކޮޅު ކެރަމަލައިޒް ކޮށްލާަށެވެ. ކެރަމަލައިޒްވުމުން ބަޓަރ އަޅައި ރަނގަޅަށް އެކުލަވާލާށެވެ.

2) ދެން ފުލްކްރީމް މިލްކް އަޅައި ރަނގަޅަށް އެކުލަވާލުމަށްފަހު، 5 ވަރަކަަށް މިނެޓް ވަންދެން ކައްކާލާށެވެ. އަދި ކާފޫރުތޮޅި އަޅާލައި އެކުލަވާލުމަށްފަހު އުނދުން ނިއްވާލާށެވެ.

3) ވަކި ތައްޓެއްގެ ބިހާއި، ލޮނު ކޮޅާއި، އެސެންސް އެކުލަވާލާށެވެ.

4) ދެން އެ ތަށީގެ ތެރެއަށް ކެރަމަލައިޒް މިލްކް މިކްސްޗާ އަޅައި ރަނގަޅަށް އެކުލަވާލާށެެވެ.

5) ޕުޑިން މިކްސްޗާ ޓްރޭގެ ތެރެއަށް ފުރާނާލުމަށްފަހު ސްޓީމް ކޮށްގެން ޕުޑިން ފިހެލާށެވެ.

ބްޓާސްކޮޗް ޕުޑިން އެހުރީ ތައްޔާރުވެފައެވެ.