ބަންޑުންޖަހާލި ޑިންގީގައި ތިބި 3 މީހުން ސަލާމަތްކޮށްފި

ތިން މީހަކު ފަރުމަސްވެރިކަމަށް ނުކުތް ޑިންގީއެއް ބަންޑުން ޖަހާލި ހާދިސާގައި ކަނޑުވި ތިން މީހުން ސަލާމަތްކޮށްފިއެވެ.

އެމްއެންޑީއެފުން ބުނީ، މި ހާދިސާ ހިނގާފައިވާ ކަމަށް ރިޕޯޓް ކުރީ މިއަދު ހެނދުނު 6:11 ހާއިރުއެވެ.

އަދި މި ޑިންގީ ބަންޑުން ޖަހާލިކަމުގެ މަޢުލޫމާތު ލިބުމާއެކު، އެމްއެންޑީއެފް މާލެ އޭރިއާ ކޮމާންޑްގެ ކޯސްޓްގާޑް ސެކަންޑް ސްކޮޑްރަންއިން ވަނީ ޑިންގީ ހޯދުމުގެ މަސައްކަތް ފަށާފައި ކަމަށާ، މި މަސައްކަތުގެ ނަތީޖާއެއްގެ ގޮތުން، ހެނދުނު 9:32 ހާއިރު އެ ޑިންގީ ހޯދާފައިވާ ކަމަށެވެ.

އަދި ޑިންގީ ގައި ތިބި މީހުން ވަނީ ސަލާމަތް ކޮށްފައެވެ. އެމީހުން ފެނުނުއިރު ތިބީ ބަންޑުން ޖަހާލާފައި އޮތް ޑިންގީ ބަނޑުފިލާމަތީގައެވެ.

ނަމަވެސް ހާދިސާއާ ގުޅޭ އިތުރު ތަފުސީލެއް މިހާތަނަށް ހާމަކޮށްފައެއް ނުވެއެވެ.