ދަތިކަން ފިލައިފި, ކުރިއެކޭ އެއްގޮތަށް ކައްކާ ގޭސް މިހާރު ލިބޭނެ
ލިޔުންތެރިޔާ
އަހުމަދު ހަމީދު އާދަމް
ކައްކާ ގޭސް ލިބުމުގައި ދާދިފަހުން ދިމާވި ދަތިތައް ހައްލުކޮށް، ކުރިއެކޭ އެއްގޮތަށް ހުރިހާ ސައިޒެއްގެ ކައްކާ ގޭސް ލިބޭނެ އިންތިޒާމު ހަމަޖައްސާފައިވާ ކަމަށް މޯލްޑިވް ގޭހުން ބުނެފި އެވެ.
މިިދިޔަ ދެ ހަފްތާއެއްހާ ދުވަހު ގޭސް ވިއްކީ ކޮންޓްރޯލްކޮށްގެންނެވެ. އެއީ ގޭސް ސަޕްލައި ކުުރުމުގައި ދިމާވި ސަބަބާއި ގުޅިގެން ގޭހަށް ނުޖެހޭނެ ގޮތް ހެދުމުގެ ގޮތުން އެޅި ފިޔަވަޅެކެވެ.
މޯލްޑިވް ގޭހުގެ މެނޭޖިން ޑިރެކްޓަރު އަބްދުﷲ މުހައްމަދު މިއަދު ވިދާޅުވި ގޮތުގައި ގޭހުގެ ސްޓޮކް މިހާރު ވަނީ އިޔާދަކުރެވިފަ އެވެ. އަދި މިއަދުން ފެށިގެން އެއްވެސް ދަތިކަމެއް ނެތި ކަސްޓަމަރުންނަށް ގޭސް ފޯރުކޮށްދެމުން ދާނެ ކަމަށް ވިދާޅުވި އެވެ.
"ކުރިއަށް އޮތް ތަނުގައި އެއްވެސް ދަތިކަމެއް ނެތި ކައްކާ ގޭސް ލިބޭނެ، މިރޯދަމަހުވެސް ކައްކާގޭސް އެއްވެސް ދަތިކަމެއް ނެތި ކުރިއެކޭ އެއްގޮތަށް ލިބޭނެ ކަމުގެ ފުރިހަމަ ޔަގީންކަން އެބައޮތް" އެމްޑީ ވިދާޅުވި އެވެ.
އާންމުގޮތެއްގައި ވެސް ރަމަޟާން މަހަކީ ކައްކާ ގޭހަށް އޮންނަ ޑިމާންޑު ބޮޑުތަނުން އިތުރުވާ މަހެކެވެ. އެހެންކަމުން، ރޯދަ މަހަށް ތައްޔާރުވުމުގެ ގޮތުން މެދުނުކެނޑި ގޭހާއި އެހެނިހެން އަސާސީ ކާބޯތަކެތި ލިބޭނެ އިންތިޒާމު ކަށަވަރުކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
