މާލެ އަތޮޅު ފިޔަވައި ގްރީންޓެކްސް، އެންމެގިނައިން ދައްކަނީ ރ އަތޮޅުން

މާލެ އަތޮޅު ފިޔަވައި މިއަހަރުގެ ސެޕްޓެމްބަރުމަހު އެންމެގިނައިން ގްރީންޓެކްސް ލިބިފައިވަނީ ރ.އަތޮޅުންކަމަށް މާލީ ވުޒާރާގެ ތަފާސްހިސާބުތަކުން ދައްކައިފިއެވެ.

ފިނޭންސް މިނިސްޓްރީން ނެރެ އާއްމުކޮށްފައިވާ އެންމެފަހުގެ ގްރީންޓެކްސް އާމްދަނީގެ ތަފާސް ހިސާބުތަކަށް ބަލާއިރު، ގްރީން ޓެކްސްގެ ގޮތުގައި ސެޕްޓެމްބަރުމަހު ރ.އަތޮޅުގެ ރިސޯޓުތަކުން ދައުލަތަށް 10.3 މިލިއަން ރުފިޔާ ވަނީ ލިބިފައެވެ.. މީގެ ތެރޭގައި ހިމެނެނީ ރިސޯތްތަކުން ދެއްކި 9,967,264.6 މިލިއަން ރުފިޔާ، ހޮޓާތަކުން ދެއްކި 379,417.5 ރުފިޔާ އެވެ.

ގްރީންޓެކްސްގެ ގޮތުގައި އެންމެބޮޑު އެއްޗެއް ދައްކާފައިވަނީ ކ.އަތޮޅުންނެވެ. ސެޕްޓެމްބަރުމަހު ގްރީން ޓެކްސްގެ ގޮތުގައި ކ.އަތޮޅުން ޖުމްލަ 31,420,181.2 މިލިއަން ރުފިޔާ ވަނީ ދައްކާފައެވެ. އޭގެ ތެރޭގައި ހިމެނެނީ ރިސޯޓްތަކުން ދެއްކި 28,886,750.6 މިލިއަން ރުފިޔާ، އާއި ގެސްޓްހައުސްތަކުން ދެއްކި 2,533,430.6 މިލިއަން ރުފިޔާއެވެ. ސެޕްޓެމްބަރުމަހު ބ.އަތޮޅުގެ ރިސޯޓްތަކުން 5,205,177.7 މިލިއަން ރުފިޔާ ލިބިފައިވާއިރު، މިއީ ނ.އަތޮޅަށްވުރެ މަދު އަދަދެކެވެ. ސެޕްޓެމްބަރުމަހުގެ ތެރޭގައި ނ.އަތޮޅުގެ ރިސޯޓްތަކުން ގްރީން ޓެކްސްގެ ގޮތުގައި 6,554,044.9 މިލިއަން ރުފިޔާ ދެއްކިއެވެ.

ފިނޭންސް މިނިސްޓްރީގެ ތަފާސްހިސާބުތަކަށް ބަލާއިރު، ސެޕްޓެމްބަރުމަހު ގްރީން ޓެކްސްގެ ގޮތުގައި ޖުމްލަ 88.9 މިލިއަން ރުފިޔާ ލިބުނެވެ. އަދި މިއަހަރުގެ ސެޕްޓެމްބަރުމަހުގެ ނިޔަލަށް ގްރީން ޓެކްސްގެ ގޮތުގައި 808.2 މިލިއަން ރުފިޔާ ވަނީ ލިބިފައެވެ. ޑޮލަރުން ބަލާނަމަ އެއީ 52.4 މިލިއަން ޑޮލަރެެވެ.