އަނެއްކާ ވެސް ވޭޕް ސްޓޮކެއް އަތުލައިގެންފި، މި ފަހަރުވެސް ދެހާހަށް ވުރެ ގިނަ

ވައިގެ މަގުން ސިއްރުން ރާއްޖެއަށް އެތެރެކުރަން އުޅުނު ވޭޕް ސްޓޮކެއް އަނެއްކާ ވެސް އަތުލައިގެންފި އެވެ.

ކަސްޓަމުން މިއަދު ވަނީ މެލޭޝިޔާއިން ރާއްޖެއަށް އައި ބައެއްގެ އަތުން 2000 އަށްވުރެ ގިނަ ވޭޕް އާއި ވޭޕްކުރަން ބޭނުންކުރާ ސާމާނު އަތުލައިގެންފައިވާކަން ހާމަކޮށްފަ އެވެ. އެ ތަކެތި އަތުލައިގެންފައި ވަނީ މެލޭޝިޔާއިން އިއްޔެ އައި ތިން ފަސިންޖަރެއްގެ ލަގެޖުގައި ފޮރުވާފައި ހުއްޓާ ކަމަށެވެ.

އެގޮތުން އަތުލައިގަނެވުނު ތަކެތީގެ ތެރޭގައި 1714 ނެނޯ ސްޓިކް، 200 ޓެރިއާ ސްޓިކް، 96 ކެލިބާން ކާޓްރިޖް، 50 ވީމޭޓް ކާޓްރިޖް އަދި 2 ވޭޕް ފްލޭވަރ ފުޅި ހިމެނެއެވެ.

ކަސްޓަމުން މިރޭ ބުނީ ވައިގެ މަގުން ސިއްރުން ރާއްޖެއަށް އެތެރެކުރަން އުޅުނު ވޭޕްގެ 2008 އައިޓަމް ކަސްޓަމްސް އިން އަތުލައިގެންފައިވާ ކަމަށެވެ.

މި ތަކެތި އަތުލައިގަނެފައިވަނީ މި މަހުގެ 12 ވަނަ ދުވަހު ރާއްޖެއަށް އެތެރެކޮށްފައިވާ އެއަކާގޯ ޝިޕްމެންޓެއްގައި ވޭޕް ފޮރުވާފައި ހުރިކަމަށް ޝައްކުކުރެވިގެން އިތުރަށް ބަލާފާސްކުރުމުގެ ތެރޭގައި ކަމަށް ވެސް ބުންޏެވެ.

ކަސްޓަމްސްއިން މި މައްސަލަ އިތުރަށް ތަހުގީގު ކުރުމުންދާ ކަމަށް ވެސް ބުންޏެވެ.