ހަބަރު
13 Jan 2019 | 19:00
ރައީސް ޔާމީން މާދަމާވެސް ފުލުހަށް ހާޒިރުކުރަނީ
ކުރީގެ ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް މާދަމާ ފުލުހުންގެ އިދާރާއަށް ހާޒިރުވުމަށް ޗިޓު ފޮނުވައިފިއެވެ.
މާދަމާ މެންދުރުފަހު 1:30ގައި ރައީސް ޔާމީން ފުލުހުންގެ އިދާރާއަށް ހާޒިރުވުމަށް އަންގަވާފައިވާކަމަށް ޕީޕީއެމްއިން ވަނީ ބުނެފައެވެ.
އެޕާޓީން ވަނީ ކުރީގެ ރައީސް ޔާމީންއަށް ތާއިދުކުރައްވާ ފަރާތްތަކުން، މާދަމާ މެންދުރުފަހު 12:30އަށް އެޕާޓީގެ އޮފީސް ކައިރިއަށް އެއްވުމަށް އެދިފައެވެ.
މީގެ ކުރިންވެސް ރައީސް ޔާމީންވަނީ ދައުލަތުގެ އިދާރާތަކުން ހުށައަޅާފައިވާ މަނީ ލޯންޑަރިންގްގެ މައްސަލަތަކާއި ގުޅިގެން ސުވާލުކުރުމަށް ފުލުހުންގެ އިދާރާއަށް ހާޒިރުކުރެވިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
