މިއޮތީ ބްރޭކްފާސްޓަށް ތައްޔާރު ކޮށްލަން ފަސޭހަ މީރު އެއްޗެއްގެ ރެސިޕީ

ޝަކްޝޫކާ އަކީ މެދުއިރުމަތީގެ ޤައުމުތަކުގައި މަޝްހޫރު ކާނާއެކެވެ. މި ކާނާ އާންމުކޮށް ނާސްތާއަށް ނުވަތަ ލުއި ކެއުމަކަށް ބޭނުންކުރެއެވެ.

ބޭނުންވާ ތަކެތި

▢ 2 މޭޒުމަތީ ސަމުސާ އޮލިވް އޮއިލް

▢ 1 ކުޑަ ފިޔާ (ތުނިކޮށް ކޮށާފައި)

▢ 1 ބެލް ޕެޕަރ، ކިޔުބްކޮށް ކޮށާފައި

▢ 1 ދަޅު ޕީލްޑް ޓޮމާޓޯ

▢ 1 ލޮނުމެދު، ކޮށާފައި

▢ 1 މޭޒުމަތީ ސަމުސާ ލޮނުމެދު ޕޭސްޓް

▢ 1 މޭޒުމަތީ ސަމުސާ ތެޅިމިރުސް

▢ 1/2 ސައި ސަމުސާ އަސޭ މިރުސް

▢ 1/2 ސަމުސާ ލޮނު ނުވަތަ އެއް ނޫޑްލްސް ސޫޕް ޕެކެޓް

▢ 4 ބިސް

▢ 2 މޭޒުމަތީ ސަމުސާ ޕާސްލީ

▢ ޕިޓާ ނުވަތަ ހަރު ރޮށި، ކެއުމަށް

ތައްޔާރުކުރާނެ ގޮތް

1) ތަވައެއްގެ ތެރޭގައި ތެޔޮ ހޫނުކޮށް ފިޔާ އާއި ލޮނުމެދު ފްރައި ކޮށްލާށެވެ. ދެން ކެޕްސިކަމް އަޅާފައި، ޕީލްޑް ޓޮމާޓޯ އަޅައިގެން ރަނގަޅަށް ކައްކާލާށެވެ.

2) ލޮނުމެދު ޕޭސްޓް، ސޫޕު ޕެކެޓް، ތެޅިމިރުސް، އަޅައި ރަނގަޅަށް އެކުލަވާލާށެވެ.

3) މެދު ގިނީގައި ބަހައްޓައިގެން މަތި ޖަހައިގެން ރަނގަޅަށް ކައްކާާލާށެވެ.

4) ރަނގަޅަށް ކެކުމުން ލޮނު ހެޔޮވަރު ކޮށްލާފައި، ބިސްތައް އަޅާލާށެވެ.

5) މަތި ޖަހައިގެން ބިހުގެ ހުދު ބައި ކެކި، އޮރެންޖުބައި ދިޔާކޮށް ހުންނަ ވަރަށް ކައްކާލާށެވެ.

6) ފަހު ކަމަކަށް ޝަކްޝޫކާގެ މައްޗަށް ޕާސްލީ އަޅާލާށެވެ.

މީތި ޕާނާ އެކު ކާލަން ވަރަށް މީރު ވާނެއެވެ.