ސިޔާސީގޮތުން ވަޒީފާއިން ވަކިކުރި ފަރާތްތަކުގެ ވަޒީފާ އަނބުރާދެނީ
މިދިޔަ ސަރުކާރުގައި ސިޔާސީ ސަބަބުތަކާއި ގުޅިގެން ވަޒީފާއިން ވަކިކުރި ފަރާތްތަކަކަށް އަލުން ވަޒީފާދޭން ނިންމައިފިއެވެ.
މިގޮތަށް ވަޒީފާ ދޭން ނިންމާފައިވަނީ 104ފަރާތަކަށެވެ. ސިޔާސީ ސަބަބުތަކަށްޓަކައި ވަޒީފާއިން ވަކިކުރި މީހުން ޝަކުވާ ހުށަހެޅުމަށް ރައީސް ސޯލިހު ދެއްވި ފުރުސަތުގައި 812 ފަރާތަކުން ޝަކުވާ ހުށަހަޅާފައިވާކަން ފާހަގަކޮށްލެވެއެވެ.
މީޑިޔާތަކަށް މައުލޫމާތު ދެއްވަމުން ރައީސް އޮފީހުގެ ތަރުޖަމާނު އިބްރާހިމް ހޫދު ވިދާޅުވީ ސިޔާސީ ސަބަބުތަކަށްޓަަކައި އެންމެ ގިނަ މުވައްޒަފުން ވަޒީފާއިން ވަކިކޮށްފައިވަނީ ފެނަކަ ކޯޕަރޭޝަނުން ކަމަށެވެ. އެގޮތުން ފެނަކައާއި ގުޅުންހުރި 94 ޝަކުވާއެއް ވަނީ ހުށައަޅާފައެވެ.
މީގެ އިތުރުން ފުލުހުންނާއި ސިފައިންނާއި ގުޅޭ ގިނަ މައްސަލަތަކެއް ހުށަހަޅާފައިވާ ކަން ހޫދު ފާހަގަ ކުރެއްވިއެވެ. އެގޮތުން ފުލުހުންނާއި، ޤައުމީ ދިފާޢީ ބާރުގެ މައްޗަށް 85 ޝަކުވާ ހުށައަޅާފައިވާކަމަށް ހޫދު ވިދާޅުވިއެވެ.
ހޫދު ވިދާޅުވީ، ކޮމިޝަނަށް ހުށަހެޅުނު 812 މައްސަލަތަކުގެ ތެރެއުން 169 ޝަކުވާ އާއި ގުޅޭ އިިތުރު މައުލޫމާތު ހޯދުމަށް އެ ޝަކުވާ ރައްދުވާ އިދާރާތަކަށް ފޮނުވިފައިވާނެކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
