ޕެންޝަން ފަންޑުން މިއަހަރު 6000އަށްވުރެ ގިނަ މީހުން ހައްޖަށް ދެވޭނެ!

މޯލްޑިވްސް ޕެންޝަން އެޑްމިނިސްޓްރޭޝަން އޮފީހުން މެނޭޖްކޮށް ހިންގާ ޕެންޝަން ފަންޑުން މިއަހަރު 6000އަށްވުރެ ގިނަ މީހުންނަށް ހައްޖަށް ދެވޭނެ އެނގިއްޖެއެވެ.

ވޮއިސްއަށް މައުލޫމާތު ލިބިފައިވާ ގޮތުގައި ޕެންޝަން ފަންޑުން ހައްޖަށް ދެވޭ މީހުންގެ އަދަދު މިހާ ގިނަވެފައިވަނީ ހައްޖަށް ދިއުމުގެ އުސޫލަށް އައި ބަދަލުތަކާއި ގުޅިގެންނެވެ.

ޙައްޖުވުމަށް ޕެންޝަން ސްކީމުން ފައިސާ ދޫކުރުމަށް ހަމަޖެހިފައިވަނީ ފަރުޟު ޙައްޖުގެ އަޅުކަން އަދާކޮށްފައި ނުވާ ފަރާތްތަކުގެ ތެރެއިން ރިޓަޔަރމަންޓް ސޭވިންގްސް އެކައުންޓު ބެލެންސްގައި މަދުވެގެން 336,000 ރުފިޔާ ޖަމާކުރެވިފައިވާ ފަރާތްތަކަށެވެ.

ޙައްޖުވުމަށް ޕެންޝަން ސްކީމުގެ މެންބަރުންނަށް ބޭނުންކުރެވެންހުރި އަދަދު އެ މެންބަރެއްގެ ރިޓަޔަރމަންޓް ސޭވިންގްސް އެކައުންޓު ސްޓޭޓްމަންޓުންނާއި ޕެންޝަން އޮފީހުގެ މޯބައިލް އެޕްލިކޭޝަނުން ބެލޭނެ އިންތިޒާމުވަނީ ހަމަޖައްސާފައެވެ. އަދި ޙައްޖުވުމަށް ޕެންޝަން ފަންޑުގެ ފައިސާ ބޭނުންކުރުމަށް ޝަރުޠު ހަމަވޭތޯ ޕެންޝަން އޮފީހުގެ ވެބްސައިޓުން(https://www.pension.gov.mv/dv/hajj-eligibility) ބެލޭނެ އިންތިޒާމުވެސް ވަނީ ހަމަޖައްސާފައެވެ.