ވޯޓްލުން އަމާންކަމާއި އެކު ކުރިއަށް
ރާއްޖޭގެ ހުރިހާ ސަރަހައްދެއްގައި ވެސް ވޯޓުގެ ކަންތައް ކުރިޔަށްދާއިރު މުޅި ރާއްޖޭގެ އެއްވެސް ސަރަހައްދެއްގައި ހަަމަ ނުޖުމެއް ނުހިނގާ ކަމަށް އިލެކްޝަންސް ކޮމިޝަނުން ބުނެފިއެވެ.
އެ ކޮމިޝަނުން ބުނެފައިވާ ގޮތުގައި މިވަގުތު ރާއްޖޭގެ އާންމު ހާލަތު ރަނގަޅު ކަމަށާއި އަދި ވޯޓްލުން ކުރިޔަށްދާއިރު އިލެކްޝަންގެ ބައެއް މެންބަރުން ވޯޓުލާ މަރުކަޒުތަކަށް ގޮސް ކަންތައް ހިނގަމުންދާ ގޮތް ބަލަމުން ގެންދާ ކަމަށެވެ.
މީޑިޔާތަކަށް މައުލޫމާތު ދެއްވަމުން އިލެކްޝަންސްގެ ރައީސް އަހްމަދް ޝަރީފް ވިދާޅުވި ގޮތުގައި ބައެއް ދާޢިރާތަކުގައި ގަޑިއެއް ނުފެށި ދިޔުން ފިޔަވައި މައްސަލައެއް ދިމާ ނުވާ ކަމަށެވެ.
"އެއްވެސް ހަމަ ނުޖެހުމެއް ނެތް، އެކަމަކު ގަޑިއެއް ނުފެށި ދިޔުން ފިޔަވައި މައްސަލައެއް ނެތް. ހައްލު ނުކުރެވޭ އެއްވެސް މައްސަލައެއް އަދި ދިމައެއް " ޝަރީފް ވިދާޅުވިއެވެ.
ރާއްޖޭގެ ހުރިހާ ސަރަހައްދެއްގައި ވޯޓުލުން ހެނދުނު 8 ޖެހިއިރު ފެށި ނަމަވެސް ވޯޓުލުން ގަޑިއަށް ނުފެށުނީ މާލޭ ޖަލުގެ މީހުންނަށް ޚާއްސަކޮށް ތިލަފުށީގައި ބަހައްޓާފައިވާ ފޮއްޓަށް އެކަނި އެވެ. ޝަރީފް ވިދާޅުވި ގޮތުގައި އެ ވޯޓު ފޮއްޓަށް ވޯޓުލުމުގެ ކަންތައް ވެސް ފެށުމުގެ އިންތިޒާމް ހަމަޖައްސަމުން ގެންދާ ކަމަށެވެ.
މަޖިލީހުގެ 87 މެންބަރުން އިންތިޚާބު ކުރުމަށް ބާއްވާ މި އިންތިޚާބުގައި 9 ޕާޓީއަކުންނާއި އަމިއްލަ ގޮތުން 386 ކެނޑިޑޭޓުން ވާދަކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
