ގޭހަށް ނުޖެހޭނެ ކަމުގެ ޔަގީންކަން އެސްޓީއޯ އިން ދީފި
ލިޔުންތެރިޔާ
އަހުމަދު ހަމީދު އާދަމް
ގޭހަށް ނުޖެހޭނެ ކަމުގެ ޔަގީންކަން އެސްޓީއޯ އިން ދީފި އެވެ.
މޯލްޑިވްސް ގޭސް ނުލިބޭ ކަމަށާ ގޭސް ވިއްކަނީ ލިމިޓްކޮށްގެން ކަމަށް ދެކެވޭ ވާހަކަތަކާއި ގޭހަށް ޖެހިފައިވާ ކަމަށް ބުނާ ވާހަކަތަކާއި ގުޅިގެން މޯލްޑިވްސް ގޭހުގެ ބެލެނިވެރި ކުންފުނި, އެސްޓީއޯ އިން ބުނީ ސަޕްލައި ކުުރުމުގައި ދިމާވި ކަމަކުން ގޭސް ވިއްކުމުގެ އަމަލު ކުރާ އުސޫލަށް ބަދަލެއް ގެނެސްފައިވާ ކަމަށެވެ.
ކޮންޓްރޯލްކޮށްގެން ގޭސް ވިއްކުމަކީ ކުރާ ކަމެއްް ކަމަށާ ނަމަވެސް ގޭސް އެއްގޮތަކަށް ވެސް ނުލިބޭ ކަމަށް ބުނާ ވާހަކަ އަކީ ދޮގެއް ކަމަށެވެ. މިހާރު ވިއްކަމުން ދަނީ ހަތް ކިލޯގެ ގޭސްފުޅި އެވެ. އެއީ ވެސް ކަނޑައެޅިފައިވާ ހެޔޮ އަގެއްގަ އެވެ.
އެސްޓީއޯ އިން ބުނީ ގޭހަށް ނުޖެހޭނެ ކަމުގެ ޔަގީންކަން ދޭ ކަމަށެވެ. އަދި އަންނަ ހަފްތާގައި މުޅި މައްސަލަ ހައްލުކޮށް އާންމު ހާލަތަށް ބަދަލު ކުރެވޭނެ ކަމަށެވެ.
ކުރިއަށް އޮތީ ރޯދަ މަސް ކަމުން ގޭސް ލިބުމުގައި އެއްވެސް ދަތިކަމެއް ކުރިމަތި ނުވާނެ ކަމުގެ ޔަގީންކަން ވެސް ދީފައިވެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
