ނަޝީދު ގޮވާލެއްވުން: 10 ދުވަސްތެރޭ 19ރއަށް، މަސްދުވަސްތެރޭ 17ރއަށް ޑޮލަރުގެ އަގު ތިރިކުރޭ
ލިޔުންތެރިޔާ
އަހުމަދު ހަމީދު އާދަމް
ކުރިއަށް އޮތް 10 ދުވަސްތެރޭ ކަޅުބާޒާރުގައި ޑޮލަރުގެ އަގު 19 ރުފިޔާއަށް ތިރިކުރުމަށް ފިޔަވަޅު އެޅުމަށް ކުރީގެ ރައީސް މުހައްމަދު ނަޝީދު ގޮވާލައްވައިފި އެވެ.
މާދަމާ ރޭ އެމްޑީޕީން ބާއްވަން ނިންމި މުޒާހަރާއާ ގުޅިގެން މިއަދު އޮތް ނޫސްވެރީންގެ ބައްދަލްވުމުގައި ކުރީގެ ރައީސް ނަޝީދު ވިދާޅުވީ އެމްޑީޕީން މުޒާހަރާއަށް ނިކުންނައިރު ޑިމާންޑެއް އެބަ އޮތް ކަމަށެވެ.
އެއީ ކުރިއަށް އޮތް 10 ދުވަސްތެރޭ ކަޅުބާޒާރުގައި ޑޮލަރުގެ އަގު 19 ރުފިޔާއަށް ތިރިކުރުން ކަމުގައި ވިދާޅުވި އެވެ. އަދި ކުރިއަށް އޮތް މަސް ދުވަސްތެރޭ ކަޅުބާޒާރުގައި ޑޮލަރުގެ އަގު 17 ރުފިޔާއަށް ތިރިކުރަން ވެސް ގޮވާލެއްްވި އެވެ.
މާދަމާ ރޭ އެމްޑީޕީގެ މުޒާހަރާގައި އެ އަޑު އުފުލާނެ ކަމަށްވެސް ވިދާޅުވި އެވެ.
ރައީސް ނަޝީދު ވިދާޅުވީ އެއީ ކުރެވޭނެ ކަމެއް ކަމަށެވެ. އަދި އެމްޑީޕީ ސަރުކާރެއްގައި އެކަން އެގޮތަށް ކުރެވޭނެ ކަމުގެ ޔަގީންކަން ދެއްވި އެވެ.
ކަޅުބާޒާރުގައި ޑޮލަރުގެ އަގު ދަނީ ދުވަހެއް ދުވަހަކަށް ދަނީ އުފުލެމުންނެވެ. މިހާރު އަގު ހުރީ 22ރ ގަ އެވެ. ވިޔަފާރިވެރީން ބުނަނީ ޑޮލަރުގެ އަގު ބޮޑުވީނަމަވެސް ބޭނުން މިންވަރަކަށް ކަޅުބާޒާރުގައި ޑޮލަރު ލިބޭ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
