ދިވެހި ކަނޑުތަކަކީ ތިޔާގި އިގްތިޞާދަކަށް އޮތް އެންމެ ބޮޑު އުންމީދު: ރައީސް ޑރ.މުޢިއްޒު
ދިވެހި ކަނޑުތަކަކީ ތިޔާގި އިގްތިޞާދަކަށް އޮތް އެންމެ ބޮޑު އުންމީދުކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ.މުޢިއްޒު މިފަދައިން ވިދާޅުވީ، މިއަދު ފާހަގަކުރަމުންދާ ދުނިޔޭގެ ކަނޑުތަކުގެ ދުވަހާ ގުޅިގެން ކުރެއްވި ޕޯސްޓެއްގަ އެވެ.
މި ޕޯސްޓްގައި ރައީސް ޑރ.މުޢިއްޒު ވިދާޅުވީ، ދުނިޔޭގެ ޗާޓުގައި ދިވެހި ކަނޑު އޮތް ސަރަޙައްދުގެ މުހިންމު ކަމާއި، އެކަނޑުތަކުގެ ގުދުރަތީ ނަލަކަމާއި، އެކަނޑުތަކުގައިވާ ރޯއްޖާއި ޚަޒާނާ ތަކަކީ ދިވެހީންގެ ތިޔާގި އިގްތިޞާދަކަށް އޮތް އެންމެ ބޮޑު އުންމީދު ކަމަށެވެ.
"ދުނިޔޭގެ ޗާޓުގައި ދިވެހި ކަނޑު އޮތް ސަރަޙައްދުގެ މުހިންމު ކަމާއި، އެކަނޑުތަކުގެ ގުދުރަތީ ނަލަކަމާއި، އެކަނޑުތަކުގައިވާ ރޯއްޖާއި ޚަޒާނާ ތަކަކީ ދިވެހީންގެ ތިޔާގި އިގްތިޞާދަކަށް އޮތް އެންމެ ބޮޑު އުންމީދެވެ."
ރައީސް ޑރ.މުޢިއްޒު ވިދާޅުވިއެވެ.
ރައީސް ޑރ.މުޢިއްޒު މިފަދައިން ވިދާޅުވެފައިވާއިރު، ރާއްޖޭގައި މި އަހަރުގެ ކަނޑުތަކުގެ ދުވަސް ވަރަށް ކުލަގަދަކޮށް ފާހަގަކުރަމުން އަންނަކަން ފާހަގަކޮށްލަން ޖެހެއެވެ.
މިގޮތުން، ދުނިޔޭގެ ކަނޑުތަކުގެ ދުވަސް ފާހަގަކުރުމުގެ ގޮތުން ކުއިޒް މުބާރާތެއް ކުރިޔަށްގެންދިއުމާއި "ކަނޑުފަޅަށް ލޯ ހުޅުވަމާ"ގެ ނަމުގައި މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން މައުލޫމާތު ސެޝަނެއް ކުރިޔަށްގެންދިއުމާއި ކުޑަކުދިންނަށް އަމާޒުކޮށްގެން "ޑިސްކަވާ ޑައިވް" ގެ ނަމުގައި ހަރަކާތެއް ކުރިއަށް ގެންދިއުމާއި "އެންމެން މޫދަށް"ގެ ނަމުގައި ކުރިއަށްގެންދާ ހަރަކާތް ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
