ހަދަމުންދާ އިމާރާތެއްގެ މަތިން ވެއްޓުނު ލަކުޑި ބުރިއަކުން ޖެހި މީހެއްގެ ބޯ ފަޅައިގެންގޮސްފި
ހަދަމުންމާ އިމާރާތެއް މަތިން ވެއްޓުނު ލަކުޑި ބުރިއަކުން ޖެހި މީހެއްގެ ބޯ ފަޅައިގެން ގޮސްފިއެވެ. މި ހާދިސާގައި އަނިޔާވެފައިވަނީ އުމުރުން 42 އަހަރުގެ ފިރިހެނަކަށެވެ.
ޒަހަމްވި މިހާވަނީ އޭނާގެ ބޮލުން ފެޅުނު ދެ އިންޗިގެ ތަނަށް އައިޖީއެމްއެޗްއުން ފަރުވާ ހޯދާފައެވެ. އޭނާ މައުލޫމާތު ދިން ގޮތުގައި އޭނާއަށް އަނިޔާވީ ފޭމަންޓޫން ހިނގާފަގޮސް ސައިކަލަށް އަރަން އުޅެނިކޮށެވެ. އޭނާގެ ބޮލުގައި ޖެހުނު ލަކުޑި ބުރީގައި ހަތަރެއް ނޫނީ ތިން ފޫޓް ހުންނާނެ ކަމުގައިވެސް އޭނާ ބުނެފައިވެއެވެ.
މީގެ އިތުރުން ލަކުޑި ބުރި ވެއްޓުނު އިމާރާތުގަ ދާ ޖަހާފަހުރިކަމުގައިވިއަސް އޭގެ ތެރެއިން ބައެއް ތަންތަން ހުރީ ހަލާކުވެފައިކަމަށްވެސް އޭނާ ބުންޏެވެ.
މާލޭގައި ހަދަމުންދިޔަ އިމާރާތެއްގެ މަތިން ވެއްޓުނު ސިމެންތި ބަސްތާއަކުން ޖެހި ނިމިދިޔަ ޑިސެންބަރު މަހުވަނީ ކުޑަ އަންހެން ކުއްޖަކު ނިޔާވެފައެވެ. އެ ހިތާމަވެރި ހާދިސާއަށްފަހު ސިޓީ ކައުންސިލް އަދި ހައުސިންގ މިނިސްޓްރީއިންވަނީ މާލޭގެ ކޮންސްޓްރަކްޝަން ސައިޓުތައް ބަލާ ޗެކް ކުރުމުގެ ހަރަކާތްތަކެއް ކުރިއަށް ގެންގޮސްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
