ހާފިޒުންގެ ދަފްތަރެއް އެކުލަވާލުމުގެ މަސައްކަތް އިސްލާމިކް މިނިސްޓްރީން ފަށައިފި
ލިޔުންތެރިޔާ
ސްޓާފް ރައިޓަރ
ކީރިތި ޤުރުއާން ހިތުދަސްކުރާ ފަރާތްތަކުގެ ދަފުތަރެއް އެކުލަވާލުމުގެ މަސައްކަތް ކުރައްވަމުން ގެންދަވާކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ވަޒީރު ފޭސްބުކްގައި ކުރެއްވި ޕޯސްޓެއްގައި ވިދާޅުވީ، ކީރިތި ޤުރްއާން ހިތުދަސްކުރާ ދަރިވަރުންގެ އަދަދު ވަރަށް ބޮޑުތަނުން އިތުރުވެފައިވާ ކަމަށާއި، ޤުރައާން ހިތުދަސްކުރާ ޒުވާން ޖީލެއް މިހާރު އެބައޮތް ކަމަށެވެ.
މުޅި ރާއްޖޭގައި 700 އަށްވުރެ ގިނަ ދަރިވަރުން މިހާރު ޤުރްއާން ހިތުދަސްކުރަމުން ދާކަމަށް ލަފާކުރެވޭ ކުރެވޭ ކަން ފާހަގަކުރައްވާ ވަޒީރު ވިދާޅުވީ، ޤުރްއާން ހިތުދަސްކުރަމުން އަންނަ ދަރިވަރުންގެ ދަފުތަރެއް އެކުލަވާލެއްވުމުގެ މަސައްކަތް ފައްޓަވާފައި ވާކަމަށެވެ. .
މިވަގުތު މާލެ އާއި އަތޮޅުތަކުގައި ޤުރުއާން މަރުކަޒުތަކާއި އަމިއްލަ އިންސްޓިޓިއުޓްތަކާއި ކްލާސްތަކުގައި 700 އަށްވުރެ ގިނަ ދަރިވަރުން ޤުރްއާން ހިތުދަސްކުރަމުންދާ ކަމަށް ލަފާކުރެވޭ
ވަޒީރު ސަޢީދު
ސަރުކާރުން ވަނީ ޤުރްއާން ހިތުދަސްކޮށްގެން ހާފިޒު ކަމުގެ ސަނަދު ހާސިލުކުރާ ފަރާތްތަކަށް ހާފިޒުކަމުގެ ސަނަދު އެރުވުމަށް ޤައުމީ ފެންވަރުގައި ހާއްސަ ޖަލްސާއެއް ބާއްވަން ފަށްޓަވާފައެވެ. މިގޮތުން، ފުރަތަމަ ޖަލްސާ ބާއްވާފައިވަނީ، މިދިޔަ ރަމަޟާންމަހު އެވެ. އެ ޖަލްސާގައި 24 ހާފިޒަކަށް ސަނަދު ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
