އިބޫ ސަރުކާާރުގެ ބިޔަ ބަޖެޓް ހުށައަޅައިފި

އިންތިހާބީ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ފުރަތަމަ އަހަރަށްވާ، 29.6  ބިލިޔަން ރުފިޔާގެ ބަޖެޓް، މިއަދު މަޖިލީހުގެ ތަޅުމަށް ހުށައަަޅައިފިއެވެ.

މި ބަޖެޓް މިއަދުގެ ޖަލްސާގައި ހުށައަޅުއްވާދެއްވީ ފިނޭންސް މިނިސްޓަރ އަހުމަދު މުނައްވަރެވެ. ބަޖެޓް ހުށައަޅުއްވަމުން މުނައްވަރު ވަނީ މިއީ އިންތިހާބީ ރައީސް އިބްރާހިމް މުހައްމަދު ސޯލިހު އެދިވަޑައިގަތް ގޮތަށް ފަރުމާކޮށްފައިވާ ބަޖެޓެއް ކަމަށާއި މިފަދަ ބަޖެޓެއް ހުށައެޅުނު މިއީ ފުރަތަމަ ފަހަރު ކަމަށް ވިދާޅުވެފައެވެ.

ބަޖެޓްގެ ތަފްސީލްތައް ވިދާޅުވެދެއްވަމުން މިނިސްޓަރ މުނައްވަރު ވިދާޅުވީ އަންނަ އަހަރު 26.7 ބިލިއަން ރުފިޔާ ޚަރަދުގެ ގޮތުގައި ހިނގާނެ ކަމަށް ލަފާ ކުރެވޭ އިރު، އާމްދާނީއާއި ހިލޭ އެހީގެ ގޮތުގައި 23 ބިލިއަން ރުފިޔާ ލިބޭނެކަމަށެވެ. އަދި ބަޖެޓު ޑެފިސިޓްގެ ގޮތުގައި 3.4 ބިލިއަން ރުފިޔާ އަރަނި ވާނެ ކަމަށްވެސް ވަނީ ލަފާކޮށްފައެވެ. މިއީ މިހާތަނަށް ރާާއްޖޭގެ ތާރީހުގައި ހުށައެޅުނު އެންމެ ބޮޑު އެއް ބަޖެޓެވެ.

މިނިސްޓަރ އިތުރަށްވަނީ ފާާއިތުވެ ދިޔަ ފަސް އަހަރުގެ އިގްތިސާދާއި މެދު އަލިއަޅުއްވާާލައްވައި ވާހަކަފުޅު ދައްކަވާފައެވެ. އެގޮތުން ރައީސް ޔާމީންގެ ދައުރަކީ ތަރައްގީގެ އެންމެ ގިނަ މަޝްރޫއުތައް ހިންގުނު އަަހަރުކަމުގައި ފާހަގަކޮށް، ރާއްޖޭގެ ޕީޕީއެފް މައްޗަށް ގޮސްފައިވާކަންވެސް ފާހަގަކުރައްވާފައެވެ.