މިއޮތީ ކޮފީ ކޭކު އަޅާނެ ގޮތުގެ ރެސިޕީ! ފިރިހެންވެރިން މޮޅުވާނެ މިކަމަށް!

ކޮފީ ކޭކަކީ ރަހަ މީރު ހަދާލަންވެސް މާ ގިނަ ވަގުތެއް ނުނަގާނެ ޑެޒާޓެކެވެ. އެހެން ކަމުން މިއަދު ވޮއިސްގެ ބަދިގެއިން މި ގެނެސްދެނީ ކޮފީ ކޭކުގެ ރެސިޕީއެވެ.

ބޭނުންވާ ތަކެތި

2 ޖޯޑު ފުށް

1 1/2 ޖޯޑު ހަކުރު

3/4 ޖޯޑު ކޮކޯ ޕައުޑާ

1 1/2 ސައި ސަމުސާ ބޭކިންގ ޕައުޑަރ

1 1/2 ސައި ސަމުސާ ބޭކިންގ ސޯޑާ

1/2 ސައި ސަމުސާ ލޮނު

2 ބިސް

1 ޖޯޑު ބްރޫޑް ކޮފީ (ހިހޫ ކޮށްފައި)

1/2 ޖޯޑު ތެޔޮ

1 ސައި ސަމުސާ ވެނީލާ އެސެންސް

ކޮފީ ފްރޮސްޓިންގ އަށް ބޭނުންވާ ތަކެތި

1 ޖޯޑު އަންސޯލްޓެޑް ބަޓަރ (މަޑުކޮށްފައި)

4 ޖޯޑު މުގުރާފައި ހުރި ހަކުރު

1/4 ޖޯޑު ބުރޫޑް ކޮފީ (ފިނި ކޮށްފައި)

2 މޭޒުމަތީ ސަމުސާ ކޮކޯ ޕައުޑަރ

1 ސައިސަމުސާ ވެނީލާ އެސެންސް

ތައްޔާރު ކުރާނެ ގޮތް

1) ބޮޑު ތައްޓެއްގެ ތެރޭގައި، ހަކުރު، ފުށް، ކޮކޯ ފައުޑަރ، ބޭކިންގ ޕައުޑަރ، ބޭކިންގ ސޯޑާ، އަދި ލޮނު އެކުލަވާލާށެވެ.

2) ބިސް، ކޮފީ، ތެޔޮ، ވެނިލާ އެސެންސް ފުށް މިކްސްޗަރ އަށް އެޅުމަށްފަހު، ރަނގަޅަށް މިކްސް ކޮށްލާށެވެ.

3) 9 އިންޗީގެ ދެ ޓްރޭގައި ބަޓަރ އުނގުޅާލުމަށްފަހު ކޭކު މިކްސް އެއްވަރަށް ބަހާލައި، ޓްރޭއަށް އަޅާލާށެވެ.

4) ދެން އަވަނަށް ލައި 175 ޑިގްރީ ސެލްސިއަސްގައި ގާތްގަނޑަކަށް 30-35 މިނެޓްވަންދެން ކޭކު ފިހެލާށެވެ.

5) ފްރޮސްޓިން ހެދުމަށް ތައްޓަކަށް ބަޓަރ އެޅުމަށްފަހު، ހޭންޑް މިކްސްސަރަކުން، ބަޓަރ ކްރީމީ ވާންދެން މިކްސް ކޮށްލާށެވެ. ދެން މަޑު މަޑުން ހަކުރު، ކޮފީ އަދި ކޮކޯ ޕައުޑަރ އަޅަމުން އެކުލަވަމުންދާށެވެ. ފްރޮސްޓިން އެއްކޮށް ސްމޫތް ވުމުން ވެނިލާ އެސެންސް އަޅާލުމަށްފަހު އެކުލަވާލާށެވެ.

6) ދެން ފިހުނު ކޭކު އެއްކޮށް ހިހޫ ވުމުން އެއް ކޭކުގެ މަތީގައި ފްރޮސްޓިން އުނގުޅާލުމަށްފަހު، އޭގެ މަތީގައި އަނެއް ކޭކު ބާއްވާށެވެ. މަތީބޭއްވި ކޭކުގެ މަތީ ގަޔާއި އަރިމަތީގައުވެސް ފްރޮސްޓިންގ ރަނގަޅަށް އުނގުޅާލާށެވެ. ކޮފީ ކޭކު އެހުރީ ތައްޔާރު ވެފައެވެ.