ކެޕިޓަލް މާކެޓް ޝަރީއާ އެޑްވައިޒަރީ ކައުންސިލްގެ މެންބަރުކަމަށް ކުރިމަތިލުމަށް ހުޅުވާލައިފި

ކެޕިޓަލް މާކެޓް ޝަރީއާ އެޑްވައިޒަރީ ކައުންސިލްގެ މެންބަރުކަމަށް ކުރިމަތިލުމަތިލުމުގެ ފުރުސަތު ކެޕިޓަލް މާކެޓް ޑިވެލޮޕްމަންޓް އޮތޯރިޓީ، (ސީއެމްޑީއޭ) އިން ހުޅުވާލައިފިއެވެ.

ސީއެމްޑީއޭއިން ބުނީ ޝަރުޢީ ދާއިރާގެ މެންބަރުން ގޮތުގައި ކައުންސިލުގެ މެންބަރުކަމަށް ކުރިމަތިލެއްވުމަށް ހުޅުވާލާފައިވާއިރު، އެކަމަށް ޝައުގުވެރިވާ ފަރާތްތަކުން ހުށަހަޅަންޖެހޭ އެންމެ ފަހު ތާރީހަކީ އަންނަ އޮކްޓޯބަރުމަހުގެ ދެވަނަ ދުވަހެވެ.

މެމްބަރުންގެ ހުންނަން ޖެހޭ ޝަރުތުތަކުގެ ތެރޭގައި ޝަރީޢާއިން ނުވަތަ ޝަރީޢާއާއި ޤާނުނުގެ ރޮނގުން ނުވަތަ ފިޤުހު ނުވަތަ އުޞޫލުލް ފިޤުހުގެ ރޮނގުން، ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ގެ ސަނަދެއް ހާސިލުކޮށްފައިވުން ހިމެނެއެވެ. މީގެ އިތުރުން ދާއިރާގެ 3 އަހަރު ތަޖުރިބާ ހުންނަން ޖެހެއެވެ. މަގާމަށް ހޮވޭ މެމްބަރުންނަށް ފިކްސްޑް އެލަވަންސްގެ ގޮތުގައި ކޮންމެ މަހަކު 4,000 ލިބޭއިރު، ސިޓިންގ އެލަވަންސްގެ ގޮތުގައި ކައުންސިލް ކޮންމެ ބައްދަލުވުމަކަށް 1,000 ރުފިޔާ ލިބެއެވެ.

ކެޕިޓަލް މާކެޓް ޝަރީޢާ އެޑްވައިޒަރީ ކައުންސިލަކީ ކެޕިޓަލް މާކެޓް ޝަރީޢާ އެޑްވައިޒަރީ ކައުންސިލުގެ ގަވާއިދުގެ ދަށުން، އޮތޯރިޓީން ބޭނުންވާ ޝަރީޢާ ލަފަޔާއި ރޫލިންގ ފޯރުވައިދިނުމައްޓަކައި އުފައްދާފައިވާ ކައުންސިލެކެވެ. ކައުްނސިލްގައި 5 މެމްބަރުން ތިއބްަވާއިރު، އޭގެ ތެރޭގައި ޝަރުޢީ ދާއިރާއަށް ނިސްބަތްވާ 4 މެމްބަރުންނާއި، އިންޑަސްޓްރީ ތަޖުރިބާކާރު މެމްބަރަކު ހިމެނިވަޑައިގަންނަވައެވެ.