ރަމަޟާންމަހު ފަހު ދިހައި ގައި ބީއެމްއެލްގެ ހިދުމަތްދިނުމަށް ހަމަޖެހިފައިވާ ގަޑިތައް އާއްމުކޮށްފި

ރަމަޟާންމަހު ފަހު ދިހައި ގައި ބޭންކު އޮފް މޯލްޑިވްސް، ބީއެމްއެލްގެ ހިދުމަތްދިނުމަށް ހަމަޖެހިފައިވާ ގަޑިތައް ހަނދާންކޮށްދީފިއެވެ.

ބޭންކް އޮފް މޯލްޑިވްސް އިން ބުނީ، އެ ބޭންކުން ރަމަޟާންމަހުގެ ފަހު ދިހައިގައި ހިދުމަތް ދިނުމަށް ބޭންކުގެ ބްރާންޗްތަކާއި ސަރވިސް ސެންޓަރތައް ހުޅުވާފައި ހުންނާނީ ހެނދުނު 10:00 އިން ފެށިގެން މެންދުރު 12:00 އަށެވެ.

އެހެން ނަމަވެސް ރާއްޖޭގެ އެކި ކަންކޮޅުތަކުގައި ގާއިމްކޮށްފައިވާ ސެލްފް ސަރވިސް ބޭންކިންގ ސެންޓަރތައް މެދުވެރިކޮށް ޖަމާކުރުމާއި، ފައިސާ ނެގުމާއި ފައިސާ ފޮނުވުމުގެ ހިދުމަތް 24 ގަޑިއިރު ލިބޭނެ ކަމަށް ބުނެފައިވެއެވެ.

އަދި މީހުން ދިރިއުޅޭ ރަށްތަކުގައި ގާއިމްކޮށްފައިވާ ކޭޝް އެޖެންޓުން މެދުވެރިކޮށް އަސާސީ ބޭންކިންގ ހިދުމަތްތައްވެސް މި ކަސްޓަމަރުންނަށް ލިބިގެންދާނެ ކަމަށާ ބޭންކުގެ ކޮންޓެކްޓް ސެންޓަރގެ އެކި ޗެނަލްތައް މެދުވެރިކޮށް ކަސްޓަމަރުންނަށް ހިދުމަތް ދެމުންދާނެ ކަމަށްވެސް ބީއެމްއެލްއިން ބުނެފައިވެއެވެ.

މީގެ އިތުރުން ބީއެމްއެލްއިން ބުނީ، ރަމަޟާން މަހު ފަހު ދިހައިގައި ރާއްޖޭން ބޭރަށް ފައިސާ ފޮނުވުމާއި (ޓީޓީ)، ބީއެމްއެލް ޗެކް ޕްރޮސެސް ކުރުމާއި، ޕޭ ރޯލް އަދި ބަލްކް ޓްރާންސްފަރސް އާއި، ލޯކަލް ޓްރާންސްފަރ އެންޑް ޕޭމަންޓްސް އަށް ހެނދުނު 10:00 ގެ ކުރިން ލިބޭ ހުށަހެޅުންތަކާއި ޖަމާކުރާ ޗެކްތައް އެދުވަހު ޕްރޮސެސް ކުރުމަށް ހަމަޖެހިފައިވާ ކަމަށެވެ.

އަދި އެހެން ބޭންކްތަކުގެ ޗެކް ޕްރޮސެސް ކުރުމާއި ގުޅޭ ތަފްސީލް ތިރީގައިވާ ލިންކް އިން ލިބޭނެ ކަމަށް ބުނެފައިވެއެވެ.

 https://www.bankofmaldives.com.mv/banking-hours-during-ramadan

ބީއެމްއެލް އިން ވަނީ، ބީއެމްއެލް އިންޓަރނެޓް ބޭންކިންގ އަދި މޮބައިލް އެޕް މެދުވެރިކޮށް ބޭންކިންގ ހިދުމަތްތައް ހޯއްދެވުމަށް އެދިވަޑައިގެންފައެވެ.