11 މީހުންނާއެކު ދަތުރުކުރަމުންދިޔަ ލޯންޗެއް ގުޅީފަޅު ކައިރިއަށް ބަންޑުންޖަހާލައިފި
ލިޔުންތެރިޔާ
ޚަދީޖާ އަރުފާ
11 މީހުންނާއެކު ދަތުރުކުރަމުންދިޔަ ލޯންޗެއް ކ.ގުޅީފަޅު ކައިރިއަށް ބަންޑުންޖަހާލައިފިއެވެ.
އެމްއެންޑީއެފުން ބުނީ، "ބުލެޓް ސްޕީޑް" ނަމަކަށްކިޔާ މި ލޯންޗު ބަންޑުން ޖަހާލުމުން ލޯންޗުން ދަތުރުކުރަމުންދިޔަ 9 ފަތުރުވެރީންނާއި، 2 ފަޅުވެރީންނާއި، ލޯންޗުގެ ކެޕްޓަން ކަނޑުވެފައިތިއްބައި ފުރަތަމަ ނަގާފައިވަނީ، އެ ސަރަހައްދުން ދަތުރުކުރަމުންދިޔަ "ބީޗް ސްޓޯން" ނަމަކަށް ކިޔާ ލޯންޗަކަށް ކަމަށެވެ.
އޭގެފަހުން ސީނަށް އެޓެންޑްވި އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންގެ ހާބަރކްރާފްޓަށް އެ މީހުން ބަދަލުކޮށް، މިއަދު 09:40 ހާއިރު އެންމެން ސަލާމަތްތެރިކަމާ އެކު މާލެ ގެނެސްދީފައިވާ ކަމަށް ބުންޏެވެ.
އެމްއެންޑީއެފުން ބުނީ، މި ހާދިސާގައި ކަނޑުވި އެއްވެސް މީހަކަށް ސީރިއަސް އަނިޔާއެއް ލިބިނުކަމުގެ މަޢުލޫމާތު ލިބިފައެއް ނުވާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
