އިންޑިއާ މައްސަލާގައި ރައީސް ނަޝީދު ވިދާޅުވަނީ، އެމްޑީޕީގެ ހިތް ސާފުނޫންކަމަށް
ލިޔުންތެރިޔާ
ސްޓާފް ރައިޓަރ
އަވައްޓެރި އިންޑިއާ އާއި ރާއްޖެއާ ދެމެދު ބަދަހި ގުޅުމެއް އޮތުމަށް އެދޭ ފަރާތްތަކުން އެ ޤައުމާ ދޭތެރޭ އަދުގެ ސަރުކާރުން ގެންގުޅޭ ސިޔާސަތުތަކަށް ތާއީދުކުރަންޖެހޭނޭކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އިދިކޮޅު ޕާޓީ އެމްޑީޕީން އެންމެފަހުން ބޭއްވި ޤައުމީ މަޖިލީހުގައި ޢަބްދުﷲ ޝާހިދު އިންޑިއާ މައްސަލާގައި ދެއްކެވި ވާހަކަފުޅަށް އިޝާރާތްކުރައްވައި އެކްސްގައި ކުރެއްވި ޕޯސްޓެއްގައި ރައީސް ނަޝީދު ވިދާޅުވީ، ބަދަހި އިންޑިއާ ރާއްޖެ ގުޅުމަށް އެދޭ ފަރާތްތަކުން ސަރުކާރުގެ ސިޔާސަތަށް ގެނައި ބަދަލަށް މަރުހަބާ ނުކިޔައި ކުރިން ކަންކުރެވިފައިވާ ގޮތް ފާހަގަކޮށް ސަރުކާރަށް މަލާމަތްކުރާނަމަ އެކަމުން ދޭހަވަނީ އިންޑިއާ އާއި ރާއްޖެއާ ދެމެދު ގުޅުން ބާއްވަން ބޭނުން ނުވާކަމަށެވެ.
އެ ބޭފުޅުން(އެމްޑީޕީ) ބޭނުންވަނީ ސިޔާސީ ޕޮއިންޓް ހޯދުން.އުސޫލުގައި ނުހިފެހެއްޓޭކަން
ރައީސް ނަޝީދު ކުރެއްވި ޕޯސްޓްގައި ވިދާޅުވިއެވެ.
ރާއްޖޭގެ ހާރިޖީވަޒީރު މޫސާ ޒަމީރުގެ ދައުވަތަކަށް އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމަނިއަމް ޖައިޝަންކަރު ރާއްޖެއަށް ކުރެއްވުމަށް ހަމަޖެހިފައިވާ ދަތުރުފުޅާ ބެހޭގޮތުން، އެމްޑީޕީގެ ޤައުމީ މަޖިލީހުގައި ވާހަކަދައްކަވަމުން ޢަބްދުﷲ ޝާހިދު ވިދާޅުވެފައިވަނީ، މި ސަރުކާރުން މީގެ ނުވަމަސްދުވަސް ކުރިން އިންޑިއާ އައުޓް ގޮވައި، އިންޑިއާ އާއެކު ގުޅެން ބޭނުން ނޫންކަމަށް ވިދާޅުވެފައިވާކަމަށެވެ.
ނަމަވެސް އުއްމީދުކުރަނީ އިންޑިއާ އާއެކު އޮތް ގުޅުން މި ވެރިކަމުގައި ރަނގަޅުވެގެން ދިއުންކަމަށާއި، މި ސަރުކާރުން އިންޑިއާ އާ ގުޅެން ނިންމީ ބޭރުގެ އެއްވެސް ޤައުމަކުން އެއްވެސްކަހަލަ އެހީތެރިކަމެއް ނުލިބި ގޮތްހުސްވުމުންކަމަށް ޝާހިދު ވަނީ ސިފަކުރައްވާފައެވެ.
ޝާހިދު އެގޮތަށް ވިދާޅުވިނަމަވެސް ރައީސް ޑރ.މުއިއްޒުގެ ސަރުކާރުން އަންނަނީ ޗައިނާ، ތުރުކީގެ އިތުރުންވެސް ބައިނަލްއަޤްވާމީ ޤައުމުތަކާމެދު އިޤްތިސާދީ އަދި އުމްރާނީ ގުޅުންތައް ބަދަހިކުރަމުންނެވެ. މިގޮތުން ދާދިފަހުން ޗައިނާ ސަފީރު ވެންގް ލިޒިން ދާދިފަހަކުން ވަނީ ރާއްޖެއިން އެދުނު ކޮންމެ ކަމެއްގައި އެހީތެރިވެދޭނޭކަމަށް ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
