ފުލުހުން ބަލަމުންދާ މައްސަލައަކާ ގުޅިގެން މީހަކު ހޯދަނީ
ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަހުގީގު ކުރަމުންދާ މައްސަލައަކާ ގުޅިގެން މީހަކު ހޯދުމުގެ މަސައްކަތް ފަށާފައިވާ ކަމަށް ފުލުހުން ބުނެފިއެވެ.
ފުލުހުންގެ ރަސްމީ ވެބްސައިޓުގައި ބުނެފައިވާ ގޮތުން، ފުލުހުން ހޯދަމުންދަނީ ސ. ފޭދޫ، އުޖާލާގެ / މުހައްމަދު އިމާދު އަހްމަދު ކިޔާ މީހެކެވެ. އޭނާގެ އުމުރަކީ 24އެވެެ.
އޭނާ އަކީ 2019 ވަނަ އަހަރުގެ މެއިމަހުގެ 18 ވަނަ ދުވަހުވެސް ހޯދަން އިއުލާންކޮށް، އަދިވެސް ހޯދާ ނުފެނިފައިވާ މީހެއް ކަމަށް ފުލުހުން ބުނެއެވެ.
ފުލުހުންގެ ވެބްސައިޓުގައި އެމީހާގެ ފޮޓޯ އާއްމުކޮށްފައިވާއިރު، އޭނާއާ ގުޅޭ އެއްވެސް މައުލޫމާތެއް ލިބިއްޖެނަމަ ލަސްނުކޮށް ފުލުހުންނާ ހިއްސާ ކުރުމަށް ވަނީ އިލްތިމާސް ކޮށްފައެވެ. އަދި އެފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުން ފުލުހުން ވަނީ ފާހަގަ ކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
