އޭސީސީއަށް އައްޔަން ކުރަން ފޮނުއްވި ނަންތަކަށް ރައީސް ބަދަލު ގެންނަވައިފި

އެންޓި-ކޮރަޕްޝަން ކޮމިޝަން (އޭސީސީ)ގެ ހުސްވެފައިވާ ދެ މެންބަރުންގެ ގޮނޑިއަށް އައްޔަންކުރުމަށް ރައީސް މުހައްމަދު މުއިއްޒު އިސްކަންދެއްވައި ފޮނުއްވާފައިވާ ދެ ނަމުގެ ތެރެއިން އެއް ނަން ބަދަލުކުރައްވައި އަލުން މަޖިލީހަށް ނަންތައް ފޮނުއްވައިފި އެވެ.

މިމަހު 16 ވަނަ ދުވަހު ބޭއްވި ދައުރުން ބޭރުން ބޭއްވި ޖަލްސާއަށް ރައީސް މުޢިއްޒު ވަނީ އޭސީސީއަށް އައްޔަންކުރަން އިސްކަންދެއްވާ ދެ ނަމެއް ފޮނުއްވާފަ އެވެ.

އެ ސިޓީއާ ހަވާލާދީ، މަޖިލީހުގައި މިއަދު ބޭއްވި ދައުރުން ބޭރު ޖަލްސާގައި އިއްވި ސިޓީގައި އެމަނިކުފާނު ވަނީ ކުރިން އިސްކަންދެއްވި އެއް ނަމަށް ބަދަލު ގެންނަވާފަ އެވެ.

އެގޮތުން މިއަދު ފޮނުއްވި ދެ ނަމަކީ:

1-އަހުމަދު ނާޝިދު، މއ. ގޯލްޑަން މޫން

2-އަބްދުالله ނާޝިދު، ފަސާނާ/ރ. އަލިފުށި

ރައީސް ކުރިން އިސްކަންދެއްވި ނަންތަކުގެ ތެރޭގައި އަބްދުالله ނާޝިދުގެ ބަދަލުގައި ހިމެނެނީ އާސިޔާ އަޒީމާ، ރޯޒްވިލާ/ރ. ހުޅުދުއްފާރެވެ.

އޭސީސީގެ ދެ ގޮނޑި ހުސްވީ އޭސީސީގެ ނައިބު ރައީސް އަބްދުއްސަލާމާއި އެ ކޮމިޝަންގެ މެންބަރު ތޯހާ މުހައްމަދު މިދިޔަ ނޮވެމްބަރު މަހު އިސްތިއުފާ ދެއްވުމާ ގުޅިގެންނެވެ.