ކޮރަޕްޝަނާއި ގުޅޭ މައްސަލަތައް ހުށައެޅުމަށް އެދިއްޖެ
ޖަނަވަރީ 1، 2012 އިން ފެށިގެން 17 ނޮވެންބަރު 2018ގެ ނިޔަލަށް ދައުލަތުގައި ހިނގާފައިވާ ކޮރަޕްޝަންގެ މައްސަލަތައް ހުށައެޅުމުގެ ފުރުސަތު ހުޅުވާލައިފިއެވެ.
މި މައްސަލަތައް ހުށައެޅުމުގެ ފުރުސަތު ހުޅުވާލާފައިވަނީ، ކޮރަޕްޝަންގެ މައްސަލަތައް ބެލުމަށް ރައީސުލްޖުމްހޫރިއްޔާ އުފެއްދެވި ކުރިން، "ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ"އަށް ކަމަށް ރައީސް އޮފީހުން މައުލޫމާތު ދެއެވެ.
އެގޮތުން ދައުލަތުގެ މަގާމާއި ނުފޫޒު ބޭނުން ކޮށްގެން ވެފައިވާ ހިޔާނާތާއި، ދައުލަތުގެ މުދަލާއި ފައިސާ ނަހަމަ ގޮތުގައި ބޭނުން ކުރުމުގެ ބޮޑެތި މައްސަލަތަކުގެ ތެރެއިން އެކިއެކި ސަބަބުތަކާހުރެ ތަހުގީގު ކުރެވިފައި ނުވާ މައްސަލަތަކުގެ އިތުރުން އެކަށީގެންވާ މިންވަރަށް ތަހުގީގު ކޮށްފައި ނުވާ މައްސަލަތައް ހުށައެޅުމުގެ ފުރުސަތު، އަންނަ މަހުގެ 24ވަނަ ދުވަހާއި ހަމައަށް ވަނީ ހުޅުވާލާފައެވެ.
މި މައްސަލަތައް ހުށައެޅުމަށް ބޭނުންވާ ފަރާތްތަކުން އެ މައްސަލަތައް ޣާޒީ ބިލްޑިންގުގައި ހުންނަ ރިޔާސީ ކޮމިޝަނުގެ އޮފީހަށް ލިޔުމަކުން ހުށައެޅޭނެކަމަށް ރައީސް އޮފީހުން ބުނެއެވެ. އަދި މީގެ އިތުރުން އީމެއިލްގެ ޒަރީއާއިން ވެސް ހުށަހެޅޭނެ ކަމަށް ވަނީ ބަޔާންކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
