ސަރުކާރުން ކުރާ ހަމަ އެކަނި ކަމަކީ މީހުންގެ ފަހަތުން ދުވެ އަނިޔާ ކުރުން: ރައީސް ޔާމީން
ރައީސް އިބްރާހިމް މުހައްމަދު ސޯލިޙްގެ ސަރުކާރުން ކުރާ ހަމައެކަނި ކަމަކީ މީހުންގެ ފަހަތުން ދުވެ އަނިޔާކުރުން ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
ރައީސް ސޯލިޙްގެ ވެރިކަމުގައި ބަންދުކުރުމަށް ފަހު ދާދި ފަހުން ހައިކޯޓުގެ ހުކުމަކާއި އެކު މިނިވަންކޮށްފައިވާ ކުރީގެ ރައީސް އަބްދުﷲ ޔާމީން މިހެން ވިދާޅުވީ ފޯނު މެދުވެރިކޮށް އެމަނިކުފާނުގެ ސަޕޯޓަރުންނާއި ވާހަކަފުޅު ދައްކަވަމުންނެވެ.
ރައީސް ޔާމީން ވިދާޅުވި ގޮތުގައި ރައީސް ސޯލިޙްގެ ސަރުކާރަށް ފަސް މަސް ވެގެންދާއިރު އޮއްޓަރު ހުރި ކަމެއް ކުރެވިފައި ނުވާކަމަށެވެ. އަދި އެމަނިކުފާނު އިތުރަށް ސިޔާސީ ވާހަކަ ދެއްކެވުމުން މި ސަރުކާރުގެ "ނުކުޅެދުންތެރިކަން" ރައްޔިތުންނަށް ހާމަވެގެންދާނެ ކަމަށެވެ.
އަދި އެގޮތަށް ވާހަކަ ދެއްކެވުމުން "ހޫނު ގަނޑެއް އަތުވެދާނެކަން" އެނގިވަޑައިގަންނަވާ ކަމަށާއި އެހެން ނަމަވެސް ހަގީގަތަކީ އެއީ ކަމަށް ރައީސް ޔާމީން ވިދާޅުވިއެވެ.
މީގެ އިތުރުން މިފަހަކަށް އައިސް ސަރުކާރުގެ އިސްވެރިން ރާއްޖެއިން ބޭރަށް ގިނަ ދަތުރުތަކެއް ކުރައްވާފައިވާތީ އެކަމަށް އިޝާރާތް ކުރައްވައި ރައީސް ޔާމީން ވަނީ ފާޑު ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
