ރައުޝަން ޖިއާންގެ މަރުގެ މައްސަލަ: އެމްޑީ ފިޔަވައި އެންމެންގެ މައްޗަށް ހުކުމް!
2018ވަނަ އަހަރުގެ ޑިސެމްބަރު މަހުގެ ތެރޭގައި، ހަދަމުންދިޔަ އިމާރާތެއްގެ ދަށުން ހިނގާފައި ދަނިކޮށް ވެއްޓުނު ސިމެންތި ބަސްތާތަކެއްގެ ދަށުވެ މަރުވި ރައުޝަން ޖިއާންގެ މަރުގެ މައްސަލައިގައި ބައެއް ފަރާތްތަކަށް ހުކުމް އިއްވައިފިއެވެ.
އެގޮތުން މި މައްސަލައިގައި ދައުވާ އުފުލުނު ޑަބްލިޔު ކޮންސްޓްރަކްޝަންގެ މެނޭޖިންގ ޑިރެކްޓަރ އާދަމް ޝަފީގު ފިޔަވައި އެހެން ފަރާތްތަކުގެ މައްޗަށް ވަނީ ހުކުމް އިއްވާާފައެވެ.
ޝަފީގު ފިޔަވައި ދައުވާ އުފުލާފައިވަނީ އެ ހާދިސާ ހިނގި ދުވަހު ކޮންސްޓްރަކްޝަން ސައިޓުގައި މަސައްކަތްކުރަމުން ދިޔަ އިންޑިއާއަށް ނިސްބަތްވާ ހަތަރު ބިދޭސީން ކަމަށްވާ ރައްޖާވް އަލީ، މުތަމަނި ރަމަޗަންދުރަން، ކެޝަހިލަލް ޗައުހާން، ގުލާމް މުހައްމަދު އަދި ޑަބްލިއު އަދި އެކުންްފުނީގެ ސީނިޔާ ސައިޓް ސުޕަވައިޒަރު މޫސާ ހަސަންގެ މައްޗަށެވެ
އެގޮތުން ރައްޖާވް އަލީގެ މައްޗަށް އިއްވާފައިވަނީ ހަ އަހަރުގެ ޖަލު ހުކުމެކެވެ. މުތުމަނިގެ މައްޗަށް އިއްވާފައިވަނީ ތިން އަހަރާއި ދެ މަހާއި 12 ދުވަހުގެ ޖަލު ހުކުމެކެވެ.
ބާކީތިބި ދެ ބިދޭސީން ކަމަށްވާ ކެޝަހިލަލް ޗައުހާން އާއި ގުލާމް މުހައްމަދަށް 7200ރުފިޔާގެ ޖޫރިމަނާއެއް ވަނީ އިއްވާފައެވެ. އަދި މޫސާ ހަސަންގެ މައްޗަށް އިއްވާފައިވަނީ 115200ގެ ޖޫރިމަނާއެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
