މަނާގަޑީގައި ދުއްވައިގެން 11 މީހަކު ޖޫރިމަނާކޮށްފި
ލިޔުންތެރިޔާ
އަބްދުﷲ ހުސައިން
މިއަދު ހަވީރު އިންޖީނުލީ އުޅަނދުފަހަރު ދުއްވުން މަނާކޮށްފައިވަނިކޮށް، އުޅަނދު ދުއްވި 11 މީހަކު ޖޫރިމަނާކޮށްފައިވާކަމަށް ފުލުހުން ބުނެފިއެވެ.
މިއަދަކީ އީދު ދުވަސްކަމުން މާލެ ސިޓީކައުންސިލުން ވަނީ މިއަދު ހަވީރަކީ ފައިމަގުގައި އުޅެންޖެހޭ ދުވަހެއްގެ ގޮތުގައި ހަމަޖައްސައި، އާއްމު ގެއްގަމު އުޅަނދުފަހަރު ދުއްވުން މަނާކޮށްފައެވެ. އެގޮތުން މާލެ އަދި ވިލިމާލޭގައި ދުއްވާއެއްޗެހި ދުއްވުން މަނާކުރީ ހަވީރު 4 ކުން ފެށިގެން 6 ޖަހަންދެނެވެ.
ފުލުހުން ބުނީ އެގަޑިތަކުގައި އުލަނދު ދުއްވައިގެން 141 މީހަކަށް ނަސޭހަތްދެވިފައިވާކަމަށެވެ. އެގޮތުން ނުރައްކާތެރިކޮށް ދުއްވައިގެން އެކަކު ހިފެހެއްޓިއިރު، ލައިސަންސް މުއްދަތު ހަމަވެފައި އޮއްވައި ދުއްވައިގެންވެސް މީހަކު ހިފެހެއްޓިކަމަށް ފުލުހުން ބުންޏެވެ. މީގެ އިތުރުން އެއްގޮތަކަށްވެސް ލައިސަންސް ނެތި އެކަކު ހިފަހައްޓައި ޖުމްލަ 3 އުޅަނދެއް ޓޯކްކޮށްފައިވާކަމަށްވެސް ފުލުހުން ބުންޏެވެ.
ބޮޑުއީދާ ގުޅިގެން ހަވީރު ހިނގާފައި އުޅޭގޮތަށް ހަމަޖެއްސިއިރު، މީގެ ކުރިންވެސް މިފަދަ ދުވަސްދުވަހު ހިނގާފައި އުޅޭގޮތަށް ވަނީ ހަމަޖައްސާފައެވެ. އަދި މީގެ ކުރީފަހަރުތަކުގައިވެސް މަނާ ގަޑިތަކުގައި ދުއްވައިގެން ފުލުހުން ވަނީ ހަމަޖެހިފައިވާ އުސޫލުގެ މަތިން ފިޔަވަޅު އަޅާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
