ރައްޔިތުން ބުނަމުންދަނީ މި ސަރުކާރަކީ މިހާތަނަށް އައި އެންމެ މަޤުބޫލުކަން ކުޑަ ސަރުކާރުކަމަށް: ޝާހިދު
ރައްޔިތުން ބުނަމުންދަނީ މި ސަރުކާރަކީ މިހާތަނަށް އައި އެންމެ މަޤުބޫލުކަން ކުޑަ ސަރުކާރު ކަމަށް އެމްޑީޕީގެ ރައީސް ޢަބްދުﷲ ޝާހިދު ވިދާޅުވެއްޖެއެވެ.
ޝާހިދު މިފަދައިން ވިދާޅުވެފައިވަނީ ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި މާފަންނު އުތުރު ދާއިރާއަށް އެމްޑީޕީގެ ޓިކެޓްގައި ވާދަކުރައްވާ ކެނޑިޑޭޓްގެ ކެންޕެއިން ޖަލްސާގައި ވާހަކަ ދައްކަވަމުންނެވެ.
ރޭ ބޭއްވި މި ކެމްޕެއިން ޖަލްސާގައި ވާހަކަދައްކަވަމުން ޝާހިދު ވިދާޅުވީ، މިއަދު މިއޮތް ސަރުކާރަކީ ދިވެހިރާއްޖޭގައި މިހާތަނަށް އުފެދުުނު އެންމެ މަޤުބޫލުކަން ކުޑަ ސަރުކާރުކަމަށް ރައްޔިތުން ބުނަމުންދާ ކަމަށެވެ.
އަޅުގަނޑުމެން މިހާރު އައިސް މިއޮތް ހާލަތާމެދުގައި އަޅުގަނޑުމެން ވިސްނާލާ ފިކުރުކޮށްލަންޖެހޭ! ރާއްޖޭގެ ރައްޔިތުން ބުނަމުން ގެންދަނީ، މިއަދު މިއޮތް ސަރުކާރަކީ ދިވެހިރާއްޖޭގައި މިހާތަނަށް އުފެދުނު އެންމެ މަޤުބޫލުކަން ކުޑަ، އެންމެ ރައްޔިތުން ރުޅިއަރާ، އެންމެ ރައްޔިތުން އެ ސަރުކާރަކާދޭތެރޭ އިތުބާރު ގެއްލިފައިވާ ސަރުކާރޭ. އެންމެ ކުޑަ ދުވަސްކޮޅެއްގެ ތެރޭގައި، މިހާހިސާބަށް ދިޔަ ސަރުކާރޭ. މިވީ ކިހިނެއްތޯ؟
އެމްޑީޕީގެ ރައީސް ޢަބްދުﷲ ޝާހިދު
ޝާހިދު ވިދާޅުވީ ރައްޔިތުން މިގޮތަށް ބުނަމުން ގެންދަންޖެހުނީ ސަބަބެއް ނެތި ނޫންކަމަށެވެ.
ސަބަބަކީ، މި ސަރުކާރު ވެރިކަމަށް އައީ ބޮލަށް "ދޮގު ދޮލަނގެއް" ލައިގެން ނިކުމެ ދޮގު ވިއްކައިގެން. ދޮގަކީ އޭގެ ސަބަބުން ހެވެއް ނުކުންނާނެ އެއްޗެއް ނޫން. ދޮގަކީ އޭގެ ސަބަބުން ރަނގަޅެއް ބިނާކުރެވޭނެ އެއްޗެއް ނޫން. ދޮގު ފޮރުވަން ހަދަން ޖެހޭނީވެސް ދޮގު
އެމްޑީޕީގެ ރައީސް ޢަބްދުﷲ ޝާހިދު
ޝާހިދު ވިދާޅުވީ ރައީސް ޑރ.މުޙައްމަދު މުއިއްޒުގެ ނަސީބުފުޅު ދެރަކަމުން މިއަދު ކުރައްވަން ޖެހިވަޑައިގަނެފައިވާ ކަމަކީ ދޮގުހެދުން ކަމުގައެވެ. އަދި މަތިމައްޗަށް ދޮގުހަދައިގެން ހުރުން ނޫން އިތުރު ފުރުސަތެއްވެސް ރައީސް މުއިއްޒުއަށް ނެތްކަމަށް ޝާހިދު ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
