އައު ޓަރމިނަލް ހުޅުވުމުގެ ރަސްމިއްޔާތު ބަލާލުމަށް މާލެ އާއި އައްޑޫގައި ޕްލެޓްފޯމުތަކެއް
ވެލާނާ އިންޓަރނޭޝަނަލް އެއަރޕޯޓު (ވީއައިއޭ)ގެ އައު ޓަރމިނަލް ހުޅުވުމުގެ ރަސްމިއްޔާތު ބޮޑު ސްކްރީނުން ބެލުމަށްޓަކައި މާލޭ ސަރަޙައްދުގެ އިތުރުން އައްޑޫ ސިޓީގައި ޕްލެޓްފޯމްތަކެއް ބަހައްޓަން ނިންމާފައިވާކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފި އެވެ.
އައު ޓާމިނަލް ހުޅުވުމުގެ ރަސްމިއްޔާތު ވީހާވެސް ގިނަބަޔަކަށް ފެންނާނެ އިންތިޒާމު ހަމަޖެއްސުމުގެ ގޮތުން ޕްލެޓްފޯމުތައް މާލެ، ހުޅުމާލެ، ވިލިމާލޭގެ އިތުރުން އައްޑޫ ފޭދޫގައި ބެހެއްޓުމަށް ވަނީ ނިންމާފައެވެ. މިކަމާއި ގުޅިގެން އެމްއޭސީއެލް އިން އެކްސްގައި ހިއްސާކޮށްފައިވާ ޕޯސްޓެއްގައި ބުނެފައިވަނީ މާލޭ ސަރަޙައްދުގެ އިތުރުން އައްޑޫ ސިޓީގެ ޖުމްލަ 8 ސަރަޙައްދެއްގައި އެއަރޕޯޓްގެ އައު ޓަރމިނަލް ހުޅުވުމުގެ ރަސްމިއްޔާތު ބެލުމުގެ އިންތިޒާމްތަށް ހަމަޖައްސާފައިވާ ކަމަށެވެ.
އެމްއޭސީއެލުން ވަނީ އެއަރޕޯޓްގެ އައު ޓަރމިނަލް ހުޅުވުމުގެ ރަސްމިއްޔާތު ބެލުމަށް އާންމުންގެ ހުރިހާ ފަރާތްތަކަށް ދަޢުވަތު އަރުވާފަ އެވެ.
އައު ޓާމިނަލް ހުޅުވާ ރަސްމިއްޔާތު ދެއްކުމުގެ ގޮތުން ސްކްރީން ބެހެއްޓުމަށް މާލޭގައި ކަނޑައަޅާފައިވާ ސަރަޙައްދުތަކަކީ:
އާޓިފިޝަލް ބީޗް
- ރާޅުގަނޑު ބްރިޖުވިއު ޕްލެޓްފޯމު-
- ލޮނުޒިޔާރަތް ޕާކް ބީޗް ސަރަހައްދު
- ރަސްފަންނު
ހުޅުމާލޭގައި ކަނޑައަޅާފައިވާ ސަރަޙައްދުތައް:
- ސެންޓްރަލް ޕާކް
- ފޭސް2 ހިޔާ ޕާކް
ވިލިމާލޭގައި ކަނޑައަޅާފައިވާ ސަރަޙައްދުތައް:
- ވިލިމާލޭ ފެރީ ޓަރމިނަލް
މި ރަސްމިއްޔާތު ބެލުމަށް އެމްއޭސީއެލް އިން އައްޑޫ ސިޓީ ފޭދޫގައި ކަނޑައަޅާފައިވާ ސަރަޙައްދުތައް:
- ފޭދޫ ބަނދަރުމަތި
ވެލާނާ އިންޓަރނޭޗަނަލް އެއަރޕޯޓް އައު ޓަރމިނަލް ހުޅުވުމުގެ ރަސްމިއްޔާތު ކުލަގަދަކުރުގެ ގޮތުން ހަވާ އެރުވުމުގެ ހަރަކާތަކާއި ޑްރޯން ޝޯވއެއް ދިނުމަށް ވަނީ ހަމަޖެހިފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
