ޤުރުއާނާއި ބެހޭ މަރުކަޒާއި އިސްލާމިކް ޔުނިވާސިޓީ ގެ ހާލަތާމެދު ކަންބޮޑުވަން: ޑރ. ޝަހީމް
ގުރުއާނާއި ބެހޭ މަރުކަޒާއި އިސްލާމިކް ޔުނިވާސިޓީގެ ހާލަތާއި މެދު ކަންބޮޑުވުން ފާޅުކުރައްވައިފިއެވެ.
ޑ.ރ ޝަހީމު މިއަދު ފޭސްބުކް ގައި ހިއްސާ ކުރެއްވެވި ޝުއޫރުތައް ފައްޓަވަމުން ލިޔުއްވެވީ ދިވެހިރާއްޖޭގެ އެންމެ މުހިންމު އިސްލާމީ ދެ މުއައްސަސާއަކީ ކީރިތި ޤުރުއާނާ ބެހޭ މަރުކަޒާއި ދިވެހިރާއްޖޭގެ އިސްލާމީ ޔުނިވަރސިޓީ އެވެ. ޝަހީމު ވިދާޅުވީ ޤުރުއާނާ ބެހޭމަރުކަޒަކީ ނުހަނު ވަރުގަދައަށް ހިގަމުން އައި ތަނެއް ކަމުގައި އެވެ.
“ކީރިތި ޤުރުއާނާއި ބެހޭ މަރުކަޒުގައި ވެރިޔަކު ނެތްތާ މިހާރު ހަތް މަސްވަނީއެވެ. މި ސަރުކާރު ފެށުނުތަނާ އެތަނުގައި ވެރިޔަކަށް ހުންނެވި އަލްއުސްތާޛު އިބްރާހީމް ރަޝީދު މޫސާ އެތަނުން އިހާނެތި ގޮތަކަށް ވަކި ކުރެއްވި ފަހުން އަދި މި ވަގުތާ ހަމައަށް ވެސް އެތަނަށް ވެރިޔަކު ނުލައެވެ” ޑރ. ޝަހީމު ގެ ސްޓޭޓަސްގައި ވެއެވެ.
އެކަމާއިގުޅިގެން ޝަހީމު ވިދާޅުވީ އޭގެ ސަބަބުން މުޅި މަރުކަޒު ވަނީ ހުއްޓުމަކަށް އައިސްފައި ކަމަށެވެ. ރަށް ރަށުގައި ހިންގަމުން ދިޔަ ގިނަ ކަންކަން މިހާރު ވަނީ ހުއްޓިފައެވެ. ޤައުމީ ޤުރުއާން މުބާރާތުގެ ކަންކަން ވެސް ވަނީ ހުއްޓިފައެވެ. ޤައުމީ ޤުރުއާން މުބާރާތާއި ސްކޫލް ކުދިންގެ މުބާރާތަށް ވެސް ބަޖެޓް ނުލިބިގެން ވަނީ ކުރިއަށް ނުގެންދެވިފައެވެ.
ދެން ޝަހީމު ސާފުކޮށް ދެއްވެވީ އިސްލާމީ ޔުނިވަރސިޓީގެ ވާހަކައެވެ. އިސްލާމިކު ޔުނިވަރސިޓީގެ ޗާންސެލަރ ވަކިވި ފަހުން އެތަނަށް ވެރިޔަކު ޢައްޔަންނުކޮށް ހަތް މަސްވަނީއެވެ. މުޅި ތަނުގެ ތަޞައްވަރުވަނީ ހުއްޓިފައެވެ. ގްރެޖުއޭޝަން އައި އިރު ވެސް ވެރިޔަކު ނެތެވެ. ޗާންސެލަރ އަކީ ޔުނިވަރސިޓީގެ ހެޑެވެ. ކައުސިލްގެ ރައީސެވެ. ޑިގްރީ އެންޑޯސް ކުރާ ފަރާތެވެ. ރައްޔިތުންގެ މަޖްލީހަށް ޔުނިވަރސިޓީއާ މެދު ޖަވާބު ދާރީ ވާ ފަރާތެވެ. ޔުނިވަރސިޓީ އަށް ގައިޑް ކޮދޭ އެންމެ އިސް ފަރާތެވެ. އެތަނުގައި ވެރިޔަކު ނެތި މިހާ ގިނަ ދުވަސްވުމުގެ ސަބަބުން ޔުނިވަރސިޓީ އަށް ދަނީ ގެއްލުންތައް ވަމުން ކަން ޝަހީމު ފާހަނގަ ކުރެއްވެވިއެވެ.
ރާއްޖޭގައި ހުރި އެންމެ ބޮޑު އިސްލާމީ ދެ މުއައްސަސާ އާމެދު މިހާބޮޑު އިހުމާލެއް ވަމުން މިދަނީ ކީއްވެގެންތޯ ޝަހީމު ސުވާލު އުފެއްދވިއެވެ. ޝަހީމު ވިދާޅުވީ އެމަނިކުފާނު ތުހުމަތެއް ކުރާކަށް ނެތް ކަމަށެވެ. މަގުސަދަކީ މި މުއައްސަސާ ޙިމާޔަތްކުރުން ކަމަށެވެ. އެ ތަންތަނުގެ ތަޞައްވަރު ކުރިއަށް ދިޔަ ދިނުން ކަމަށެވެ. ޝަހީމު ވިދާޅުވީ އެމަނިކުފާނު އެކަންތައއ ހަނދާން ކޮށްލައި ދިނީކަމަށެވެ.އެއްގޮތަކަވެސް ދެކޮޅުވެރި ވަނީ ނޫން ކަމަށެވެ.
އެމަނިކުފާނުގެ މަގްސަދަކީ އެތަންތަނަށް ވެރިން އައްޔަންކޮށްދެއްވުމަށް ހަނދާންކޮށް ދެއްވައި އެ ތަންތަން ސަލާމަތްކުރުން ކަމަށެވެ. މި ދެތަން މިހާރު އޮޔާ ދަނީ ކަމަށް ސިފަ ކުރައްވަމުން ޝަހީމް ވިދާޅުވީ އެ ތަންތަނަށް މީހުން ލުމުގައި މީހުންގެ ވިސްނުމާއި ފިކުރަށް ބައްލަވައި މެދުމިނުގެ އިސްލާމީ ވިސްނުމުގެ ތަޖުރިބާހުރި މީހުން ލެއްވެވުމަށެވެ. ކަންކަމަށް މީހުން އައްޔަންކުރާ އިރު ބަލަންވާނީ އެކަމަށް އެންމެ ޤާބިލް މީހާކަން ޝަހީމު ހަނދާން ކޮށްދެއްވެވިއެވެ. އެއަށް ނުބަލައި މިވެނި މީހެއްގެ ފިރިމީހާއާއި އެވެނި މީހެއްގެ އަނބިމީހާއާއި ޕާޓީގެ ރައީސްގެ ރަޙުމަތްތެރިއާއާއި މިހެން މީހުން އައްޔަންކުރުމުން މުއައްސަސާތަކަށް ގެއްލުންވާނެކަން ހަނދާން ކޮށްދެމުން ޝަހީމް ވަނީ އޭނަގެ ޝުއޫރުތައް ކުރުކޮށް ލައްވަވާފައިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
