ވޭޕް މަނާކުރާ ބިލް ކޮމިޓީން ފާސްކޮށްފި
ލިޔުންތެރިޔާ
އަބްދުﷲ ހުސައިން
ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ދިވެހިރާއްޖެއަށް އެތެރުކުރުން މަނާކުރުމުގެ ބިލް، މަޖިލީހުގެ އިޖުތިމާއީ ކޮމިޓީން މިއަދު ފާސްކޮށްފިއެވެ.
މި ބިލް ދިރާސާ ކުރުމަށްފަހު ކޮމިޓީން ވަނީ ބިލަށް ބައެއް އިސްލާހުތައް ގެނެސްފައެވެ.
އެގޮތުން ދުންފަތް އެކުލެވޭ އެއްވެސް އެއްޗެއް އާއްމުކޮށް ފެންނަގޮތަށް ބެހެއްޓުމަކީ އިސްތިހާރުކުރުން ކަމުގައި ބެލެވޭގޮތަށް ކޮމަންޑޫ ދާއިރާގެ މެންބަރު މުހައްމަދު ހުށަހެޅި އިސްލާހުވަނީ ކޮމިޓީން ފާސްކޮށްފައެވެ.
މީގެ އިތުރުންވެސް ބިލާގުޅޭގޮތުން މެމްބަރުން ހުށަހެޅި ބައެއް އިސްލާހުތައް ވަނީ ފާސްކޮށްފައެވެ.
ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ދިވެހިރާއްޖެއަށް އެތެރުކުރުން 15 ނޮވެމްބަރ 2024 އިން ފެށިގެން މަނާ ކުރުމަށް ރައީސް ޑރ މުހައްމަދު މުޢިއްޒު އަންގަވާފައިވަނީ ހުސްވި އޮކްޓޯބަރުމަހުގެ 14 ވަނަ ދުވަހުއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
