ވަގުތީ ގޮތުން ލިބޭ ލާރިފޮއްޗަކަށް ޟަމީރު ވިއްކާނުލާ: ރައީސް ޔާމީން
ވަގުތީ ގޮތުން ލިބޭ ލާރިފޮއްޗަކަށް ޟަމީރު ވިއްކާނުލުމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމް އެދިވަޑައިގެންފިއެވެ.
ރައީސް ޔާމީން މިހެން އެދިވަޑައިގަތީ ޕްރޮގްރެސިވް ކޯލިޝަންގެ ފަރާތުން މަޖިލިސް އިންތިޚާބުގައި މަޑުއްވަރީ ދާއިރާއަށް ވާދަކުރައްވާ ޑރ.އާދަމް ޝަރީފް އުމަރުގެ ކެމްޕެއިން ޖަލްސާއެއްގައި ފޯންކޯލް މެދުވެރިކުރައްވައި ވާހަކަފުޅު ދައްކަވަމުންނެވެ.
އެމަނިކުފާނު ވިދާޅުވީ ވަގުތީ ގޮތުން ލިބޭ ލާރި ފޮއްޗަކަށް އެއްވެސް ބޭފުޅަކު އެ ބޭފުޅެއްގެ ޟަމީރު ވިއްކާނުލެއްވުމަށް އެދޭކަމަށާއި އިދިކޮޅު ކެނޑިޑޭޓުންނަކީ ފާއިތުވެދިޔަ ތަނުގައި އެކިކަހަލަ ގޯސްތައް ހައްދަވާފައިވާ ހުރި މީހުންކަމަށެވެ.
އަދި މީގެ އިތުރުންެ އެމްޑީޕީއަކީ ދުވަހަކުވެސް ރައްޔިތުންނަށް ހެވެއް ނޭދޭނެ ބައެއްކަމަށް ރައީސް ޔާމީން ވިދާޅުވިއެވެ.
ރޭގެ ޖަލްސާގައި އެމަނިކުފާާނު ވަނީ ރިޔާސީ އިންތިޚާބުގައި ވޯޓު އޮޅުވާލިކަމަށް ބުނާ ބުނުން ތަކުރާރުކުރައްވާފައެވެ.
"ރިޔާސީ އިންތިހާބަކީ ފަހުގެ ޒަމާނެއްގައި މި ރާއްޖޭގައި ހިނގި އެންމެ ބޮޑު އެއް ޖަރީމާ، އެ މައްސަލަ ބެލުނީއެއްވެސް ނޫން، އަދި ނުވެސް ބެލޭނެ"، ރައީސް ޔާމީން ވިދާޅުވިއެވެ.
އަދި އެމަނިކުފާނު ވަނީ އެމަނިކުފާނު ކުރައްވަމުން ގެންދަވަނީ ހަނގުރާމައެއްކަމަށް ވިދާޅުވެ، އެ ހަނގުރާމައިގައި އެމަނިކުފާނާއިއެކު ދެމި ހުންނަވާނެ އެއްބޭފުޅަކީ އާދަމް ޝަރީފްކަމަށް ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
