''ރަންވީރަކީ ވާދަވެރިއެއް'' - ރަންބީރް

ރަންވިރަކީ ވަރުގަދަ ވާދަވެރިއެއްކަމަށް ރަންބީރް ބުނެފިއެވެ. ރަންވީރުގެ ފިލްމްތައް ބެލީމާ އޭނާއަކީ ޖާދުވީ މޮޅު އެކްޓިންގއެއް ދައްކާ އެކްޓަރެއްކަން ހިތަށް އިހުސާސް ކުރެވޭކަމަށް ރަންބީރު ބުންޏެވެ.

އަމިއްލަ ކެރިއަރ ކުރިއަރުވަން އަދި ރަންވީރުގެ ކެރިއަރ ކުރިއަރުވަންވެސް ދެމީހުންގެ މެދުގައި އޮތް ވާދަވެރިކަން އެހީތެރިވާކަމަށް ރަންބީރް ގަބޫލުކުރެއެވެ.

ރަންވީރުގެ އެތައް ފިލުމެއް ބޮކްސް އޮފީހުގައި ކާމިޔާބީތަކެއް ހޯދާފައިވާކަމަށާއި ރަންބީރްވެސް އެވަރުގެ ކާމިޔާބީތަކެއް ހޯދަމަށް މުސައްކަތްކުރާކަމަށް އޭނާ މިޑް-ޑޭއަށް ދިން އެކްސްކުލޫސިވް އިންޓަރވިއުގައި އެއްބަސްވެފައިވެއެވެ.

ކެރިއަރު ފެއްޓި އިރު ތިބީ 2 ނޫނީ 3 ޒުވާން އެކްޓަރުންކަމަށާއި އެއާ ހިލާފަށް މިހާރު އެ އަދަދު 5 ގުނަ އިތުރުވެ ވާދަވެރިކަން ވަރަށް ބޮޑުވެފާއިވާކަމަށް ރަންބީރް ބުނެފާއިވެއެވެ.

ތަރިންގެ މެދުގައި އޮންނާ ވާދަވެރިކަމުގެ ވާހަކަ މާ ބޮޑުކޮށްގެން މީޑިއާތަކުން ހަބަރު ގެންސްދޭކަމަށް ރަންބީރު ތުހުމަތުކުރެއެވެ.

ލޯބީގެ ގޮތުން ރަންވީރު މިހާރު ގުޅިގެން އުޅެނީ ރަންބީރް ކުރިން ރައްޓެހިވެގެން އުޅުން ބޮލީވުޑްގެ މަޝްހޫރު ބަތަލާ ދީޕިކާ ޕަޑުކޯނާއެވެ. ރަންވީރާއި ދީޕިކާ ވަރަށް އަވަހަށް ކައިވެނި ކުރާނެކަމަށް ބޮލީވުޑްގެ ހަބަރުތަކުން މީގެ ކުރިންވަނީ ރިޕޯޓްކޮށްފައެވެ.