މަންދީ ޒުބައިރުގަޔަށް ކަޅުތެޔޮ ޖެހުން މެޑަމް ސާޖިދާ ކުށްވެރި ކުރައްވައިފި
ލިޔުންތެރިޔާ
ޚަދީޖާ އަރުފާ
އެމްޑީޕީން ކޮންމެ ރެއަކު ކުރަމުން އަންނަ ސިލްސިލާ މުޒާހަރާތަކުގައި އިސްކޮށް އުޅޭ އެޕާޓީގެ އެކްޓިވިސްޓް، މަންދީ ޒުބައިރު ގަޔަށް ކަޅުތެޔޮ ޖެހި މައްސަލަ ރައީސުލްޖުމްހޫރިއްްޔާގެ އަނބިކަނބަލުން ސާޖިދާ މުހައްމަދު ކުށްވެރި ކުރައްވައިފިއެވެ.
އެމްޑީޕީގެ ރޭގެ މުޒާހަރާ ނިންމާލުމަށް ފަހު ޗާންދަނީމަގުގައި ހުންނަ އެމްޑީޕީ ހަރުގެއިން ނުކުމެގެން ގެއަށް ދަނިކޮށް، މާސްކް އަޅައި ހެލްމެޓް އަޅައިގެން ތިބި ދެ މީހަކު ސައިކަލެއްގެ އައިސް މަންދީ ގަޔަށް ވަނީ ޖަޅު ތެޔޮ ޖަހާފައެވެ.
އެކަމާ ގުޅިގެން، މެޑަމް ސާޖިދާ އެކސްގައި ކުރެއްވި ޕޯސްޓެއްގައި ވިދާޅުވީ، ރޭގައި އެމް.ޑީ.ޕީގެ އެކްޓިވިސްޓް މަރިޔަމް ޒުބައިރުގެ ގަޔަށް ކަޅުތެޔޮ ޖެހުން އެންމެ ހަރުކަށު ޢިބާރާތުން ކުށްވެރިކުރައްވާ ކަމަށެވެ.
”އެއްވެސް މީހަކަށް މިފަދައިން ޙަމަލާދީ އަދި އުނދަގޫކުރުމަކީ ބަލައިގަނެވޭ ކަމެއްނޫނެވެ.“ މެޑަމް ސާޖިދާ ވިދާޅުވުއެވެ.
މިއާއެކު މެޑަމް ސާޖިދާ ވަނީ މި ފަދަ ނާޒުކު ވަގުތެއްގައި ކަންކަން ހަލަބޮލި ނުކޮށް، އިންޞާފު ޤާއިމުކުރުމަށް ޖާގަދެއްވުމަށް އިލްތިމާސްކުރައްވާފައެވެ.
މަންދީ ގަޔަށް ކަޅުތެޔޮ ޖެހުން މެޑަމް ސާޖިދާ ކުށްވެރިކުރައްވާފައިވާއިރު، އޭނާ ގަޔަށް ކަޅުތެޔޮ ޖަހާފައި މިވަނީ، ސާޖިދާގެ ފިރިހެން ދަރިކަލުންނާއި ގުޅުވައި، ހަގީގަތާއި ޚިލާފް ދޮގު ވާހަކަތަކެއް އޭނާ ދައްކައި އެކަމާއި ގުޅިގެން އޭނާގެ މައްޗަށް މަދަނީ ދައުވާ ކުރުމަށް ނިންމާފައިވާ ދަނޑިވަޅެއްގައެވެ.
ކުޑަކުައްޖަކާއި ގުޅުވައި، އެމްޑީޕީ މުޒާހަރާ ތެރެއިން މަންދީ ދެއްކި ވާހަކަތަކާއި ގުޅިގެން ގިނަ ބަޔަކު އަންނަނީ އޭނައަށް ފާޑުކިޔަމުންނެވެ. އަދި އެކަން ކުށްވެރިކޮށް މުވައްސަސާ ތަކުން ވަނީ ބަޔާންވެސް ނެރެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
