ކުޑަކުދިންނަށް ދޭ ޕެރެސެޓްމޯލް ބޭހެއް ރާއްޖެ އެތެރެކޮށް ވިއްކުން މަނާކޮށްފި
ކުޑަކުދިންނަށް ދޭ ޕެރަސެޓްމޯލް ބޭހެއް ރާއްޖެ އެތެރެކުރުމާއި ބޭނުން ކުރުން އަދި ވިއްކުން މިއަދު މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މަނާކޮށްފި އެވެ.
އެމްއެފްޑީއޭ އިން މިކަމާއި ބެހޭގޮތުން ބުނީ ރާއްޖޭގެ ބާޒާރުގައި މިވަގުތު ހުރި މި ބޭހުގެ ފެންވަރުގެ މައްސަލަތަކެއް އުޅޭ ކަމަށް ފާހަގަކުރެވިފައިވާ ކަމަށެވެ. އަދި މި ބޭހުގެ ކުލަ ބަދަލުވެ، ގަނޑުވެފައި ހުރުން ފަދަ މައްސަލަތައް ފާހަގަވެފައިވާތީ ބަލަން ޖެހޭ ކަންތައްތައް ބަލަމުންދާ ކަމަށްވެސް އެ އިދާރާއިން ބުންޏެވެ.
އެ އިދާރާ އިން ބުނީ ބޭހުގެ ކުލަ ބަދަލުވެ، ގަނޑުވެފައި ހުރުން ފަދަ މައްސަލަތައް ފާހަގަވެފައިވާ ކަމަށާއި އެކަމާ ގުޅިގެން ބަލަން ޖެހޭ ކަންކަން ބަލަމުންދާތީ އެ ބޭސް ރާއްޖެ އެތެރެކުރުމާއި ވިއްކުން އަދި ބޭނުން ކުރުމަކީ މަނާ ކަމެއް ކަމަށެވެ.
މިބޭހަކީ ކެލްޕޮލް ޕީޑިއެޓްރިކް ޑްރޮޕްސް (100 އެމްއެލް) އެވެ. މިއީ އިންޑިއާގައި އުފައްދާ ބޭހެކެވެ.
އެމްއެފްޑީއޭ އިން މި ހަފްތާ ވަނީ ކުޑަކުދިންނަށް ދޭ ރޯގާ ބޭހެއް ވެސް މަނާކޮށްފަ އެވެ. އެ ބޭސް މަނާކުރީ އެ ބޭހުގެ ބެޗެއްގައި ކެމިކަލް މާއްދާއެއް ކަމަށްވާ ޑައިއެތިލީން ގްލައިކޯލް (ޑީއީޖީ) އަދި އެތިލީން ގްލައިކޯލް (އީޖީ) އެކުލެވިގެންވާ ކަމަށް، ފުރަތަމަ މަރުހަލާގެ ޓެސްޓުތަކުން ދައްކާތީ ކަމަށް އެމްއެފްޑީއޭ އިން މައުލޫމާތު ދީފައި ވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
